নিউজ ডেস্ক, ৭ জুনঃ একতা কাপুৰৰ ৱেব ছিৰিজ ত্ৰিপল এক্স-২ ৰ অন্তৰ্ভুক্ত বিতৰ্কিত দৃশ্য গুচাই দিয়া হৈছে । গুৰুগ্ৰাম পালম বিহাৰ আৰক্ষী ষ্টেছনত এজন আৰক্ষীৰ অভিযোগ আৰু মধ্য প্ৰদেশৰ ইন্দোৰত পৰিচালক গৰাকীৰ বিৰুদ্ধে গোচৰ ৰুজু কৰাৰ পাচতে ৱেব ছিৰিজখনৰ পৰা দৃশ্যটো গুচাই দিয়ে ।
উল্লেখ্য যে, ৱেব ছিৰিজখনত এজন সেনা অধিকাৰীৰ পত্নীক অবৈধ সম্পৰ্ক ৰক্ষা কৰা দেখুওৱা হৈছে । যাৰ পৰিপ্ৰেক্ষিততেই সেনা জোৱান গৰাকীয়ে তেখেতৰ ইউনিফৰ্মজোৰ ফালি পেলোৱা এটি দৃশ্য ৱেব ছিৰিজখনত পৰিলক্ষিত হয় । এই দৃশ্যৰ বাবেই সেনা বাহিনীক অপমান কৰা হৈছে বুলি অভিযোগ উত্থাপন কৰে বহু সংখ্যক লোকে ।
এজন নাগৰিক হিচাপে আমি ভাৰতীয় সেনাক গভীৰ শ্ৰদ্ধা কৰো । আমাৰ সুৰক্ষাৰ বাবে সেনা জোৱানসকলৰ যোগদান উল্লেখনীয় । যাৰ বাবে আমি পূৰ্বৰ পৰাই এই দৃশ্য গুচাই দিবলৈ দাবী জনাইছিলো বুলিও এজন আৰক্ষী বিষয়াই মন্তব্য কৰে ।
