নিউজ ডেস্ক, ৩ ফেব্ৰুৱাৰী: উত্তৰ প্ৰদেশ আৰক্ষীৰ বিৰুদ্ধে এক অভিযোগ আনিছে এগৰাকী বিশেষভাৱে সক্ষম মহিলাই । ঘটনা অনুসৰি, মহিলাগৰাকীৰ ১৫ বছৰীয়া কন্যা বিগত এমাহে সন্ধানহীন হৈ আছে । কোনো লোকে অপহৰণ কৰাত চাৰিওদিশে বিচাৰ-খোচাৰ কৰিও কোনো সন্ধান লাভ নকৰাত অৱশেষত উপায়ন্তৰ হৈ আৰক্ষীৰ কাষ চাপে মহিলাগৰাকী । কিন্তু এতিয়া আৰক্ষীয়েও সংগ দিয়া নাই দুৰ্ভগীয়া মহিলাগৰাকীক ।
মহিলাগৰাকীৰ অভিযোগ অনুসৰি, কন্যাৰ সন্ধান উলিয়াবলৈ আৰক্ষীয়ে তেওঁৰ পৰা এবাৰ দুবাৰ নহয়, বহুবাৰ তেল খৰচৰ বাবে ধন দাবী কৰে । অৱশেষত মহিলা গৰাকীয়ে উত্তৰ প্ৰদেশৰ আৰক্ষী অধীক্ষকৰ কাষ চাপে । সমগ্ৰ ঘটনা সন্দৰ্ভত আৰক্ষী অধীক্ষকগৰাকীয়ে তাৎক্ষণিক ব্যৱস্থা গ্ৰহণৰ নিৰ্দেশ দিয়ে ।
যদিহে মহিলাগৰাকীৰ অভিযোগ সঁচা প্ৰমাণিত হয় তেন্তে ইয়াৰ বিৰুদ্ধেও বিহীত ব্যৱস্থা গ্ৰহণ কৰা হ'ব বুলি কয় অধীক্ষকগৰাকীয়ে ।
