নিউজ ডেস্ক, 18 মাৰ্চ : সেনাৰ ইষ্টাৰ্ণ কমাণ্ডাৰৰ হেডকোৱাৰ্টাৰত ড্ৰন উৰুৱাই গ্ৰেপ্তাৰ হ'ল চীনা নাগৰিক৷ ইষ্টাৰ্ণ কমাণ্ডাৰৰ হেডকোৱাৰ্টাৰ পৰা 1.5 কি.মি আঁতৰত ড্ৰন উৰুওৱা অপৰাধতেই চি আই এচ এফে কলকাতাৰ ফৰ্ট উইলিয়ামাৰ পৰা শনিবাৰে গ্ৰেপ্তাৰ কৰে লোকজনক৷
লি নামৰ চীনা লোকজনক দেওবাৰে ন্যায়ালয়ত হাজিৰ কৰে কলকাতা আৰক্ষীয়ে৷ ন্যায়ালয়ে25 মাৰ্চলৈ আৰক্ষীৰ জিম্মাত ৰাখিবলৈ নিৰ্দেশ প্ৰদান কৰিছে অভিযুক্ত লিক৷
উল্লেখ্য যে, পাকিস্তানৰ ভূমিত জইছ-ই-মহম্মদৰ ঘাটিত ভাৰতে এয়াৰ ষ্ট্ৰাইক সংঘটিত কৰাৰ পাচৰেপৰা বৰ্তমানলৈ চাৰিটাকৈ পাকিস্তানী ড্ৰন ধ্বংসস্তূপত পৰিণত কৰিছে ভাৰতে৷ এনেস্থলত ভাৰতভূমিত চীনৰ ড্ৰন প্ৰৱেশ কৰা কাৰ্যত কোনো কূটাঘাতমূলক পৰিকল্পনাৰ সন্দেহ প্ৰকাশ কৰি সষ্টম হৈ পৰিছে ভাৰতীয় সেনা৷
