নিউজ ডেস্ক, ১৪ অক্টোবৰ : ৰাষ্ট্ৰসংঘৰ মানৱাধিকাৰ আয়োগত হোৱা নিৰ্বাচনত জয়লাভ কৰিছে চীন, ৰাছিয়া আৰু কিউবাই । ছোদি আৰৱৰ দৰে দেশে এই নিৰ্বাচনত হাৰৰ সন্মুখীন হয় ।
ৰাছিয়া আৰু কিউবাই বিনা প্ৰতিদ্বন্দিতাৰে নিৰ্বাচিত হোৱাৰ লগতে চীনে ছৌদি আৰৱৰ সৈতে পাঁচটা খণ্ডত নিৰ্বাচন খেলি জয়লাভ কৰে ।
গোপন বেলট ভোটিঙত ১৯৩ সদস্যৰ ভিতৰত পাকিস্তানে ১৬৯ টা, উজবেকিস্তানে ১৬৪ টা, নেপালে ১৫০ টা, চীনে ১৩৯ টা আৰু ছৌদি আৰৱে ৯০ টা ভোট লাভ কৰে । ২০১৬ ছৌদি আৰৱে ১৫২ টা ভোট লাভ কৰিছিল ।
আঞ্চলিক প্ৰতিনিধিত্ব নিশ্চিত কৰিবলৈ ৰাষ্ট্ৰসংঘৰ মানৱাধিকাৰ আয়োগৰ আসন সমূহ প্ৰদান কৰা হয় । ৪৭ সদস্যযুক্ত আয়োগৰ ১৫ খন আসনৰ বাহিৰে বাকী সমূহৰ নিৰ্বাচন আগতীয়াকৈ হৈ যায় ।
আফ্ৰিকাৰ বাবে থকা ৪ খন আসনত জয়ী হয় আইভৰি কোষ্ট, মায়াৱী, গাবোন আৰু ছেনেগাল । ইষ্ট ইউৰোপিয়ান আসন দুখনত জয়ী হয় ৰাছিয়া আৰু ইউক্ৰেইন । লেটিন আমেৰিকান আৰু কেৰিবিয়ান আসনত জয়ী হয় মেক্সিকো, কিউবা আৰু বলিভিয়া । ৱেষ্টাৰ্ণ ইউৰোপিয়ান আসনত জয়ী হয় ব্ৰিটেইন আৰু ফ্ৰান্স ।
লগতে পঢ়ক: বিহাৰ নিৰ্বাচন: আজি প্ৰাৰ্থী তালিকা প্ৰকাশ কৰিব কংগ্ৰেছে
