নেশ্যনেল ডেস্ক, 22 আগষ্ট : ভক্তৰ বাবে চাৰধাম তীৰ্থযাত্ৰা পূৰ্বতকৈ সহজ কৰি তুলিবৰ বাবে পবিত্ৰ স্থানসমূহলৈ ৰে'ল পথৰ ব্যৱস্থা কৰা হ'ব বুলি ঘোষণা কৰে কেন্দ্ৰীয় ৰে'লমন্ত্ৰী পীয়ুষ গোয়েলে ৷
এই আঁচনি সম্পৰ্কত এক ভিডিঅ' শ্বেয়াৰ কৰি গোয়েলে জানিবলৈ দিয়ে যে, কেদাৰনাথ, বদ্ৰীনাথ, গংগোত্ৰী আৰু যমুনাত্ৰীলৈ ৰে'ল পথৰ সংযোগ কৰিবলৈ ভাৰতীয় ৰে'লে কাম কৰি আছে ৷
তেওঁ কয়, "প্ৰধানমন্ত্ৰী নৰেন্দ্ৰ মোডীৰ নেতৃত্বত ৰে'লে ভক্তসকলৰ বাবে চাৰধাম যাত্ৰা অতি সহজ কৰি তুলিব বিচাৰিছে ৷ তেওঁলোকে ৰে'লৰ জৰিয়তে উত্তৰাখণ্ডৰ পবিত্ৰ উপত্যকাসমূহত থকা গংগোত্ৰী, যমুনাত্ৰী, বদ্ৰীনাথ আৰু কেদাৰনাথলৈ যাত্ৰা কৰিব পাৰিব ৷"
এই আঁচনিৰ অধীনত পাহাৰীয়া অঞ্চলত ৰে'ল লাইন নিৰ্মাণ কৰাৰ লগতে সুৰংগ তৈয়াৰ কৰা হ'ব ৷ এই পথেৰে প্ৰায় 327 কিল'মিটাৰ দৈঘ্যৰ চাৰিটাকৈ ৰে'ল লাইন নিৰ্মাণ কৰা হ'ব আৰু দেহৰাডুন, পাউৰি, তেহৰী গড়ৱাল, চামোলি, ৰুদ্ৰপ্ৰয়াগ আৰু উত্তৰকাশীৰ কাষেৰে পাৰ হৈ যাব ৷
-
प्रधानमंत्री @NarendraModi जी के नेतृत्व में रेलवे करने जा रही है करोड़ों श्रद्धालुओं के लिए चार धाम यात्रा आसान।
— Piyush Goyal (@PiyushGoyal) August 21, 2020 " class="align-text-top noRightClick twitterSection" data="
उत्तराखंड की पवित्र वादियों में स्थित गंगोत्री, यमुनोत्री, बद्रीनाथ और केदारनाथ के दर्शन के लिए श्रद्धालु कर सकेंगे रेल द्वारा यात्रा। pic.twitter.com/tfrcxTa0Ed
">प्रधानमंत्री @NarendraModi जी के नेतृत्व में रेलवे करने जा रही है करोड़ों श्रद्धालुओं के लिए चार धाम यात्रा आसान।
— Piyush Goyal (@PiyushGoyal) August 21, 2020
उत्तराखंड की पवित्र वादियों में स्थित गंगोत्री, यमुनोत्री, बद्रीनाथ और केदारनाथ के दर्शन के लिए श्रद्धालु कर सकेंगे रेल द्वारा यात्रा। pic.twitter.com/tfrcxTa0Edप्रधानमंत्री @NarendraModi जी के नेतृत्व में रेलवे करने जा रही है करोड़ों श्रद्धालुओं के लिए चार धाम यात्रा आसान।
— Piyush Goyal (@PiyushGoyal) August 21, 2020
उत्तराखंड की पवित्र वादियों में स्थित गंगोत्री, यमुनोत्री, बद्रीनाथ और केदारनाथ के दर्शन के लिए श्रद्धालु कर सकेंगे रेल द्वारा यात्रा। pic.twitter.com/tfrcxTa0Ed
প্ৰায় 125 কিল'মিটাৰ দৈঘ্যৰ গংগোত্ৰী আৰু যমুনোত্ৰীৰ মাজৰ ৰে'ল লাইন নিৰ্মাণৰ বাবে ইতিমধ্যে ৰে'লৱে জৰীপ সমাপ্ত কৰিছে ৷ ইয়াৰে 105 কিল'মিটাৰ ৰে'ল লাইন সুৰংগৰ মাজেৰে হ'ব ৷ আনহাতে, বদ্ৰীনাথ আৰু কেদাৰনাথ সংযোগী পথৰ কাম চলি আছে ৷
এই ৰে'ল লাইনত প্ৰায় 12 টা ষ্টেচন স্থাপন কৰা হ'ব ৷ ইয়াৰে এটা ৰে'লৱে ষ্টেচন আৰু সুৰংগৰ কাম ইতিমধ্যেই সম্পূৰ্ণ হৈ উঠাৰ লগতে পাঁচটা সুৰংগৰ কাম চলি আছে ৷ ইয়াৰ লগতে ৰে'লৱে 122 কিল'মিটাৰ দৈঘ্যৰ দৈৱালা-উত্তৰকাশী-বাৰকোট ৰে'ল লাইন নিৰ্মাণ কৰিছে ৷
এই সমগ্ৰ প্ৰকল্পত ব্যয় হ'ব 44,000 কোটি টকা ৷ ইয়াৰোপৰি, চৰকাৰে ৰোপৱে', পথৰ পৰিবহণ আৰু স্থানীয় ৰে'লসমূহৰো ব্যৱস্থা কৰাৰ পৰিকল্পনা কৰিছে ৷ ইয়াৰোপৰি, অল ৱেডাৰ ৰ'ডৰ নিৰ্মাণকাৰ্যও চলি আছে ৷ 2014 চনত এই প্ৰকল্পৰ কাম সম্পূৰ্ণ হোৱাৰ আশা প্ৰকাশ কৰা হৈছে ৷
লগতে পঢ়ক : প্ৰথমে আগিয়া ছোফিয়া, এইবাৰ গীৰ্জাঘৰ; বিশ্ব সংস্কৃতিৰ প্ৰতি ভাবুকি তুৰ্কীৰ ৰাষ্ট্ৰপতি
