নেশ্যনেল ডেস্ক, 24 নৱেম্বৰ: গোচৰ ৰুজু কৰাৰ প্ৰায় 17 মাহৰ অন্তত কেন্দ্ৰীয় অনুসন্ধান সংস্থাৰ অনুসন্ধানত আটক হ'ল এজন অপহৰনকাৰী ৷ খবৰ অনুসৰি মধ্য প্ৰদেশৰ বিণ্ডাত থকা আত্মীয়ৰ ঘৰলৈ যোৱাৰ পাছৰে পৰা সন্ধানহীন হৈ আছিল এগৰাকী জনজাতীয় কিশোৰী ৷ কিশোৰীগৰাকীৰ সন্ধানহীন হোৱাৰ ঘটনাৰ তদন্ত চলি থকাৰ সময়তে অভিযুক্ত অৰুণ পালক মঙ্গলবাৰে চিবিআইয়ে আটক কৰে ।
চিবিআইৰ এজন শীৰ্ষবিষয়াই কয় যে, চিবিআইয়ে যুৱকজনক পাঞ্জাৱৰ পৰা আটক কৰাৰ লগতে সন্ধানহীন কিশোৰীগৰাকীকো উদ্ধাৰ কৰে ৷ বেংক একাউণ্টৰ সৈতে সংযোজিত ম'বাইল নম্বৰৰ ভিত্তিতে যুৱকজনক পাঞ্জাৱৰ ৰাজপুৰাৰ পৰা আটক কৰা হৈছিল । যুৱকজনক নিজৰ জিম্মাত ল’বৰ বাবে চিবিআইয়ে আদালতক জনাব আবেদন ।
উল্লেখ্য যে, মধ্য প্ৰদেশ উচ্চ ন্যায়ালয়ৰ ২০১৯ চনৰ ডিচেম্বৰ মাহৰ এক আদেশৰ পাছতে চিবিআইয়ে এই বছৰৰ ১ জানুৱাৰীত গোচৰটো পঞ্জীয়ন কৰি তদন্ত প্ৰক্ৰিয়া আৰম্ভ কৰিছিল ৷ কিশোৰীগৰাকীৰ পিতৃয়ে অভিযোগ কৰা মতে, তেওঁৰ ছোৱালীজনীক অৰুণ পাল আৰু আন এজন ব্যক্তিয়ে মটৰ চাইকেলত লৈ গৈছিল আৰু তেওঁলোকক অনুসৰণ কৰোতে তেওঁক ভাবুকি প্ৰদান কৰিছিল ৷ অৱশ্যে স্থানীয় আৰক্ষীয়ে অভিযুক্তজনৰ এজন বন্ধুক আটক কৰিছিল; যাৰ বাইকখন এই ঘটনাত ব্যৱহাৰ কৰা হৈছিল।
লগতে পঢ়ক:প্ৰাক্তন মুখ্যমন্ত্ৰী তৰুণ গগৈলৈ বিচিপিএলৰ শেষ শ্ৰদ্ধাঞ্জলি
