নিউজ ডেস্ক, ৮ জুলাই : কৰ্ণাটকৰ উডুপি জিলাৰ সালিগ্ৰামত নিজৰ মাতৃৰ সৈতে হোম কোৱাৰেন্টাইনত থকা এগৰাকী ১৫ বছৰীয়া যুৱকে আত্মহত্যা কৰিছে বুলি জানিব পৰা গৈছে । বুধবাৰে আৰক্ষীয়ে প্ৰকাশ কৰিছে এই তথ্য । কোটাত অধ্যয়ন কৰা দশম শ্ৰেণীৰ ছাত্ৰজনে কৰ'ণা ভাইৰাছৰ বাবে নিজৰ মাতৃৰ সৈতে হোম কোৱাৰেন্টাইন হৈ আছিল ।
জানিব পৰা অনুসৰি, ছাত্ৰজন বাহিৰলৈ ওলোৱাতো নিষেধ আছিল যদিও মংগলবাৰে বাহিৰলৈ ওলাই আহিছিল । বৰ্তমান ছাত্ৰজনৰ কোভিড-১৯ পৰীক্ষা কৰাৰ পিচত অন্তিম সৎকাৰ কৰা হৈছে বুলি জানিব পৰা গৈছে ।
একে সময়তে বুধবাৰে জয়পুৰৰ ৰাজস্থান বিশ্ববিদ্যালয়ৰ স্বাস্থ্য বিজ্ঞান ভৱনতো এগৰাকী ৭৮ বছৰীয়া কৰ'ণা ৰোগীয়ে আত্মহত্যা কৰা বুলি জানিব পৰা গৈছে । ইফালে, দিল্লীৰ এগৰাকী ৩৭ বছৰীয়া সাংবাদিক কৰ'ণা ভাইৰাছত আক্ৰান্ত হৈ AIIMS Trauma Centre ত চিকিৎসাধীন হৈ থকাৰ পিচত সোমবাৰে চিকিৎসালয়খনৰ চতুৰ্থ মহলাৰ পৰা জাপ দিয়াৰ ফলত মৃত্যু হৈছে ।
লগতে পঢ়ক : প্ৰলয়ংকাৰী বানত প্লাৱিত জোনাইৰ বহু গাঁও
