একেলগ হ'ব দমন-দিউ আৰু দাদৰা নগৰ হাভেলী কেন্দ্ৰীয় শাসিত অঞ্চল

মঙলবাৰে লোকসভাত উত্থাপন হয় এখন সংযোজক বিধেয়ক ৷ কেন্দ্ৰীয় গৃহ ৰাজ্যিক মন্ত্ৰী জি কিশান ৰেড্ডীয়ে উত্থাপন কৰে এই বিধেয়কখন ৷

নেশ্যনেল ডেস্ক, 26 নৱেম্বৰঃ জম্মু-কাশ্মীৰৰ পৰা বিশেষ ৰাজ্যৰ মৰ্যদা উঠাই লোৱাৰ পিচতে কেন্দ্ৰীয় শাসিত অঞ্চল হিচাপে ঘোষণা কৰে কেন্দ্ৰীয় চৰকাৰে ৷ জম্মু-কাশ্মীৰ পুনৰ গঠন আইনৰ দ্বাৰা জম্মু-কাশ্মীৰৰ পৰা বিশেষ ৰাজ্যৰ মৰ্যদা উঠাই লোৱাৰ লগতে অক্টোবৰ মাহৰ 31 তাৰিখৰ পৰা কেন্দ্ৰীয় শাসিত অঞ্চল হিচাপে মৰ্যদা প্ৰদান কৰা হয় ৷

লগতে পঢ়কঃ ৰাজ্যসভাত গৃহীত সমকামী লোকৰ (অধিকাৰ ৰক্ষা) বিধেয়ক

জম্মু-কাশ্মীৰৰ দৰেই কেন্দ্ৰীয় চৰকাৰে পুনৰ আন দুখন কেন্দ্ৰীয় শাসিত অঞ্চলক একেলগ কৰিবলৈ ওলাইছে ৷ ভাৰতৰ এই দুখন কেন্দ্ৰীয় শাসিত অঞ্চল হৈছে,দমন-দিউ আৰু দাদৰা নগৰ হাভেলী ৷

লগতে পঢ়কঃ অমিত শ্বাহ, জেপি নড্ডাৰ সৈতে প্ৰধানমন্ত্ৰী মোডীৰ জৰুৰী বৈঠক

কেন্দ্ৰীয় গৃহ ৰাজ্যিক মন্ত্ৰী জি কিশান ৰেড্ডীয়ে মঙলবাৰে লোকসভাত উত্থাপন কৰে এখন বিধেয়ক ৷ দাদৰা নগৰ হাভেলী আৰু দমন দিউ (কেন্দ্ৰীয়শাসিত অঞ্চল একত্ৰীকৰণ) বিধেয়ক, 2019ৰ দ্বাৰা দুয়োখন কেন্দ্ৰীয় শাসিত অঞ্চলক এখন হিচাপে গঠন কৰিবলৈ প্ৰস্তাৱ উত্থাপন কৰিছে কেন্দ্ৰীয় গৃহমন্ত্ৰালয়ে ৷