নেশ্যনোল ডেস্ক, 24 আগষ্টঃ শনিবাৰে পুৱতি নিশা মহাৰাষ্ট্ৰৰ ভিৱান্দিত এটা অট্টালিকা খহি পৰে ৷এই ঘটনাত এজন লোকৰ মৃত্যু হোৱাৰ লগতে আহত হয় দুজনকৈ লোক ৷ প্ৰশাসনৰ লোকে জানিবলৈ দিয়া মতে চাৰিজন লোকক ধ্বংসস্তুপৰ মাজৰ পৰা উদ্ধাৰ কৰা হৈছে তাৰে এজনৰ ইতিমধ্যে মৃত্যু হৈছে আৰু দুগৰাকী গুৰুতৰভাৱে আহত হয় দুজন লোক ৷
উল্লেখযোগ্য যে,অট্টালিকাটোৰ আবাসীসকলে প্ৰশাসনৰ লোকক জৰাজীৰ্ণ অট্টালিকাটোৰ কথা জনাইছিল আৰু সেইমৰ্মে প্ৰশাসনে অট্টালিকাটো খালি কৰাই আছিল ৷ তেনে সময়তে কিছু লোক নিজৰ সা-সামগ্ৰী আনিবলৈ যাওঁতে অট্টালিকাটো খহি পৰে ৷ 8 বছৰ পূৰ্বে নিৰ্মাণ কৰা অট্টালিকাটো অবৈধভাৱে নিৰ্মাণ কৰা বুলি জনাই প্ৰশাসনে ৷ 10 গৰাকী লোক এতিয়াও ধ্বংসস্তুপৰ মাজত আবদ্ধ হৈ আছে বুলি আশংকা কৰা হৈছে ৷
