নিউজ ডেস্ক, 22 জুন : কোভিড-19ৰ নামত ফিছিঙৰ সহায়ত হোৱা চাইবাৰ আক্ৰমণৰ ভিতৰত ছখনকৈ দেশৰ ভিতৰত ভাৰতো হৈছে এখন দেশ ৷ উত্তৰ কোৰিয়াৰ হেকাৰ গ্ৰুপ লাজাৰুছে এইদৰে ভাৰতক নিজৰ চাইবাৰ আক্ৰমণৰ লক্ষ্য কৰি লৈছে ৷
এই আক্ৰমণৰ লাজাৰুছৰ 50 লাখ ব্যক্তিগত তথা ব্যৱসায়িক প্ৰতিষ্ঠানক কৰিবলৈ লোৱা চাইবাৰ আক্ৰমণৰ এটা অংশ মাথো, যাৰ ভিতৰত ভাৰত, ছিংগাপুৰ, দক্ষিণ কোৰিয়া, জাপান আৰু সংযুক্ত গণৰাজ্যৰ ক্ষুদ্ৰ আৰু বৃহৎ এন্টাৰপ্ৰাইজ সোমাই আছে ৷ এই তথ্য বিগত শুকুৰবাৰে ZDNet নামৰ সংস্থাই এক প্ৰতিবেদনত প্ৰকাশ কৰিছিল ৷
ছিংগাপুৰস্থিত চাইবাৰ-সুৰক্ষা সংস্থাটোৱে প্ৰকাশ কৰা অনুসৰি, উত্তৰ কোৰিয়াৰ হেকাৰ গ্ৰুপটোৱে ইয়াৰ দ্বাৰা বিত্তীয়ভাৱে লাভ উঠোৱাৰ চেষ্টা কৰিব ৷ ইয়াৰ বাবে তেওঁলোকে ইমেইলৰ সহায়ত ভুৱা ৱেবচাইটৰ তথ্য দাখিল কৰি তাৰ দ্বাৰা ব্যক্তিসকল নাইবা ব্যৱসায়িক প্ৰতিষ্ঠানক লোভ দেখুৱাই তেওঁলোকৰ সকলো তথ্য বিশেষকৈ বিত্তীয় তথ্য সংগ্ৰহ কৰিবলৈ চেষ্টা কৰিব ৷
আনহাতে লাজাৰুছৰ হেকাৰসকলে প্ৰকাশ কৰা অনুসৰি, তেওঁলোকৰ হাতত জাপানৰ 11 লাখ, ভাৰতৰ 20 লাখ আৰু সংযুক্ত গণৰাজ্যৰ 1,80,000 টা ইমেইলৰ তথ্য আছে ৷
লগতে পঢ়কঃ 150 বিলিয়ন ডলাৰ বজাৰ মূল্যত প্ৰৱেশ কৰা প্ৰথম ভাৰতীয় কোম্পানীৰ তালিকাত ৰিলায়েঞ্চ ইণ্ডাষ্ট্ৰিজ