নিউজ ডেস্ক, 8 জুলাইঃ পশ্চিমবংগৰ পৰা নদীপথ হৈ বাংলাদেশলৈ চালান হয় অবৈধ মাৰণাস্ত্ৰ ৷ দেওবাৰে বৰ্ডাৰ গাৰ্ডছ বাংলাদেশৰ সৈতে হোৱা সংঘৰ্ষত এগৰাকী জেএমবি সন্ত্ৰাসবাদী নিহত হোৱাৰ সময়ত পোহৰলৈ আহিছে এই ঘটনা ৷ দীৰ্ঘদিন ধৰি পশ্চিমবংগৰ পৰা এইদৰে বাংলাদেশী সন্ত্ৰাসবাদীলৈ অস্ত্ৰ-শস্ত্ৰৰ সৰবৰাহ হৈ আছিল যদিও ঘটনা ৰোধ কৰাত ব্যৰ্থ হৈছিল ভাৰতীয় বাহিনী ৷ অৱশেষত বিএছএফে প্ৰদান কৰা তথ্যৰ ভিত্তিতে বাংলাদেশৰ বিজিবিয়ে অভিযান চলাই সন্ত্ৰাসবাদীটোক নিহত কৰাৰ উপৰিও জব্দ কৰিবলৈ সক্ষম হয় অস্ত্ৰ-শস্ত্ৰখিনি ৷
ঘটনাস্থলীৰ পৰা বিজিবিয়ে সাতটা পিষ্টল, তিনিটা পাইপ, আঠটা মেগজিন, 36 জাঁই কাৰ্টিজ জব্দ কৰাৰ উপৰিও এখন নাঁও জব্দ কৰে ৷ ইতিমধ্যে বিজিবিয়ে বিএছএফৰ সৈতে অভিযানৰ তথ্য সাল-সলনি কৰাৰ লগতে ভাৰতৰ ভূমিত তিনিজন আহত সন্ত্ৰাসবাদীয়ে আশ্ৰয় লোৱাৰ কথা প্ৰকাশ কৰিছে ৷ আহত সন্ত্ৰাসবাদীৰ সন্ধানত বিএছএফে বৰ্তমানেও অভিযান অব্যাহত ৰাখিছে ৷
