নেচনেল ডেস্ক,18 জানুৱাৰী: ৰাজস্থানৰ সিকাৰ জিলাৰ পঞ্চায়ত নিৰ্বাচনত স্বৰপঞ্চ হিচাপে নিৰ্বাচিত হ'ল 97 বছৰ বয়সীয়া মহিলা ৷ শুকুৰবাৰৰ দিনটোত নিম কা থানা মহকুমাৰ অন্তৰ্গত পুৰনাৱছ পঞ্চায়তৰ পৰা বিজয়ী হিচাপে ঘোষিত হ'ল 97 বছৰীয়া বিদ্যা দেৱী ৷ তেখেতে প্ৰথম পৰ্বৰ নিৰ্বাচনত তেওঁৰ নিকটতম প্ৰতিদ্বন্দী আৰতী মিনাক 207 টা ভোটৰ ব্যৱধানত পৰাস্ত কৰিছিল বুলি সংবাদ মাধ্যমৰ আগত ব্যক্ত কৰে নিম কা থানা মহকুমা বিষয়া সুধাৰাম জাতে ৷ তেখেতে কয় যে, বিদ্যা দেৱীয়ে 843 টা ভোট লাভ কৰাৰ বিপৰীতে 636 ভোট লাভ কৰে আৰতী মিনা কুমাৰীয়ে ৷ লগতে উল্লেখ কৰে যে, নিৰ্বাচনত মুঠ 4,200 গৰাকী ভোটাৰৰ 2,856 গৰাকী ভোটাৰে ভোটদান কৰিছিল আৰু নিৰ্বাচনত স্বৰপঞ্চৰ পদৰ বাবে পুৰনাৱছ পঞ্চায়তৰ পৰা প্ৰতিদ্বন্দী কৰিছিল মুঠ 11 গৰাকী প্ৰাৰ্থীয়ে ৷
উল্লেখ্য যে, বিদ্যা দেৱীৰ স্বামী মেজৰ শিৱাৰাম সিং 1990 ৰ আগৰ পৰা মুঠ 25 বছৰ পুৰনাৱছ পঞ্চায়তৰ স্বৰপঞ্চ হৈ আছিল ৷
লগতে পঢ়ক:দিল্লীৰ গণতন্ত্ৰ দিৱসৰ কাৰ্যসূচীত অংশ ল'বলৈ সাজু 636 গৰাকী শিক্ষাৰ্থী
