নেশ্যনেল ডেস্ক, 23 অক্টোবৰ: উত্তৰ প্ৰদেশৰ হাথৰস জিলাত প্ৰায় 1.25 কোটি মূল্যৰ 840 কিলোগ্ৰাম গাঞ্জা জব্দ ৷ হাথৰসৰ আৰক্ষী অধীক্ষক বিনীত জয়ছৱালে কয় যে, এখন ট্ৰাক আৰু এখন কাৰত বৃহস্পতিবাৰে অবৈধভাৱে নি থকা অৱস্থাতে আৰক্ষীয়ে গাঞ্জাখিনি জব্দ কৰে ৷ জয়ছৱালে লগতে কয় যে, এক বিশেষ সূত্ৰৰ পৰা লাভ কৰা তথ্যৰ ভিত্তিত আৰক্ষীয়ে অভিযান চলাই এই 1.25 কোটি মূল্যৰ গাঞ্জাখিনি জব্দ কৰিবলৈ সক্ষম হয় ৷
তেওঁ কয় যে দুয়োখন বাহনৰে মালিক দুগৰাকী পলাই সাৰিবলৈ সক্ষম হয় যদিও বাহন দুখন জব্দ কৰা হৈছে আৰু গাড়ীখনৰ মালিক দুগৰাকীৰ সম্পৰ্কত তথ্য গোটোৱা হৈছে ৷ সমগ্ৰ ঘটনা সন্দৰ্ভত সাদাবাদ আৰক্ষী থানাত Narcotic Drugs and Psychotropic Substances (NDPS) আইনৰ অধীনত এক গোচৰ ৰুজু কৰা হৈছে ৷ জিলা আৰক্ষী প্ৰধান গৰাকীয়ে এই অভিযানত জড়িত আৰক্ষী বিষয়া সকলৰ বাবে 15,000 টকাৰ উপহাৰ ঘোষণা কৰিছে ৷
লগতে পঢ়ক: মহানগৰীত চুপাৰী ভৰ্তি ট্ৰাক জব্দ
