নিউজ ডেস্ক, ২ এপ্ৰিলঃ বৃহস্পতিবাৰে দিল্লীৰ তৱলিঘী জমাতত অংশ গ্ৰহণ কৰা ৮ জন বিদেশী নাগৰিকক উত্তৰ প্ৰদেশত আটক কৰি হাস্পতালত ভৰ্তি কৰায় আৰক্ষীয়ে । ইৰাণ, আফগানিস্তান আৰু ব্ৰিটেইনৰ পৰা আহিছিল বিদেশী নাগৰিক কেইজন । হাস্পতালত ভৰ্তি কৰি বিদেশীকেইগৰাকীৰ পাচপৰ্ট জব্দ কৰে আৰক্ষীয়ে ।
আৰক্ষীৰ খবৰ অনুসৰি, আটক কৰা বিদেশী কেইজন উত্তৰ প্ৰদেশৰ স্থানীয় মছজিদত বাহৰ পাতি আছিল । তাৰ পৰাই বিদেশী কেইজনে চহৰখনত ঘূৰি থকা বুলি জানিবলৈ দিয়ে আৰক্ষীয়ে ।
আনহাতে, আটকাধীন ৮ বিদেশীক ভাৰতীয় দণ্ডবিধি আইনৰ Foreigners Act ৰ অধীনত আৰক্ষীয়ে নিজাববীয়াকৈ গোচৰ ৰুজু কৰে ।
আটক কৰা বিদেশী কেইজন ক্ৰমে, ইব্ৰাহিম ফৌলাদী, অব্দুল ৰহীম, য়ুনুছ,মহমুদ শ্বাহ হুছেনী, শ্বব্বীৰ অব্দুল ৰহীম, জৰীন মোহম্মদ, ৰহমতুল্লা আৰু ডাউদ অয়ুৱ ইছমাইল ।
