নিউজ ডেস্ক, ১৫ জুলাইঃ উত্তৰাখণ্ডৰ ডেৰাডুনত শোকাৱহ দুৰ্ঘটনা । বুধবাৰে ডেৰাডুনৰ চক্কুওয়ালা অঞ্চলত এটি অট্টালিকা খহি পৰি মৃত্যু হয় ৩ গৰাকী ব্যক্তিৰ । লগতে গুৰুতৰভাৱে আহত হয় আন দুজন ব্যক্তি । তাৰোপৰি দুৰ্ঘটনাগ্ৰস্থ অট্টালিকাটোৰ তলৰ পৰা সুৰক্ষিতভাৱে উদ্ধাৰ কৰে পাঁচজন লোকক । ইয়াৰোপৰি দুৰ্ঘটনা সংঘটিত হোৱা অট্টালিকাটোৰ তলত আন কেইবাগৰাকীও ব্যক্তি আৱদ্ধ হৈ থকাৰ আশংকা কৰিছে স্থানীয় বাসিন্দাই ।
আনহাতে, ঘটনা সংঘটিত হোৱাৰ পাচতে ঘটনাস্থলীত তাৎক্ষণিকভাৱে উপস্থিত হয় এনডিআৰএফ বাহিনী । এনডিআৰএফ বাহিনী ঘটনাস্থলীত উপস্থিত হৈ উদ্ধাৰ অভিযান আৰম্ভ কৰাৰ লগতে আহতসকলক হাস্পতালত ভৰ্তি কৰোৱা ব্যৱস্থা কৰে ।
