যাত্ৰীসহ নৈৰ মাজত আৱদ্ধ নাও

নাৱৰ যান্ত্ৰিক বিজুতিৰ ফলতে সংঘটিত হয় ঘটনাটো ৷ গৃহ আৰক্ষী জোৱানৰ তৎপৰতাত উদ্ধাৰ কৰা হয় লোককেইজন ৷

দন্তেৱাড়া,9 জুলাই : চত্তিশগড়ৰ ইন্দ্ৰাৱতী নদী পাৰ হোৱাৰ সময়তে যন্ত্ৰ চালিত নাৱত যান্ত্ৰিক বিসংগতি ৷ প্ৰৱল সোঁত থকা নৈ খনৰ মাজ ভাগতে বিকল হৈ পৰে নাওখন ৷ নাৱত থকা 21 জন লোকক সুৰক্ষিত ভাৱে উদ্ধাৰ ৷

ঘটনাৰ খবৰ লাভ কৰি জিলা প্ৰশাসন তথা উদ্ধাৰকাৰী বাহিনী ঘটনাস্থলীত উপস্থিত হয় ৷ নাৱত থকা আটাইকেইজন যাত্ৰীকে সুৰক্ষিত ভাৱে উদ্ধাৰ কৰা হয় বুলি প্ৰশাসনৰ তৰফৰ পৰা প্ৰকাশ কৰা হয় ৷