নেশ্যনেল ডেস্ক, 23 ছেপ্টেম্বৰ : চাৰ্ভিছ ৰাইফলেৰে নিজকে গুলীয়াই আত্মহত্যা জম্মু আৰু কাশ্মীৰ সেনাৰ এগৰাকী সৈন্যৰ ৷ জম্মু আৰু কাশ্মীৰৰ কুপৱাৰা জিলা(Kupwara district of Jammu and Kashmir)ত সেনাৰ এগৰাকী লোকে নিজকে মাৰাত্মকভাৱে গুলীয়াই আত্মহত্যা কৰে ৷ বৃহস্পতিবাৰে সংশ্লিষ্ট বিষয়াই এই বিষয়ে সদৰী কৰে ৷
বিভাগীয় বিষয়াই জানিবলৈ দিয়া অনুসৰি, সেনাৰ ৬ ৰাষ্ট্ৰীয় ৰাইফলছ(6 Rashtriya Rifles)ৰ লোকিন্দৰ সিং নামৰ লোকজনে কেৰান চেক্টৰ(Keran sector)ৰ এটা শিবিৰত নিজৰ চাৰ্ভিছ ৰাইফলেৰে নিজকে গুলীয়াই হত্যা কৰে ৷ বুধবাৰে নিশা প্ৰায় 10:30 বজাত এই ঘটনা সংঘটিত হয় ৷
ঘটনাৰ পাচতে সিঙক ততাতৈয়াকৈ নিকটতম সামৰিক স্বাস্থ্য কেন্দ্ৰলৈ লৈ যোৱা হৈছিল যদিও হাস্পতাল গৈ পোৱাত চিকিৎসকে তেওঁক মৃত ঘোষণা কৰে ৷ সেনা জোৱানজনে কিহৰ বাবে এই চৰম পদক্ষেপ বাচি ল'লে সেই কথা এতিয়াও স্পষ্ট হোৱা নাই ৷
লগতে পঢ়ক : শ্বপিয়ানত নিৰাপত্তা বাহিনীৰ গুলীত ধৰাশায়ী সন্ত্ৰাসবাদী
