নিউজ ডেস্ক, 4 জানুৱাৰী: হঠাৎ গুৱাহাটীত অমিত শ্বাহৰ পদাৰ্পন (Amit Shah in Guwahati)৷ গৃহমন্ত্ৰী অমিত শ্বাহৰ বিশেষ বিমানৰ জৰুৰী অৱতৰণ গুৱাহাটীত ৷ আজি আছিল আগৰতলাত গৃহমন্ত্ৰীগৰাকীৰ ভ্ৰমণসূচী ৷ কিন্তু প্ৰতিকুল বতৰৰ বাবে আগৰতলাত অৱতৰণ কৰিব নোৱাৰিলে অমিত শ্বাহৰ বিমানে ৷ ততাতৈয়াকৈ গুৱাহাটীৰ লোকপ্ৰিয় গোপীনাথ বৰদলৈ আন্তৰ্জাতিক বিমান বন্দৰত জৰুৰী অৱতৰণ কৰোৱা হয় গৃহমন্ত্ৰীৰ বিমান (Amit Shah flight emergency landing in Guwahati)
বুধবাৰে নিশা প্ৰায় 10:30 বজাত গোপীনাথ বৰদলৈ আন্তৰ্জাতিক বিমান বন্দৰত অৱতৰণ কৰে শ্বাহৰ বিশেষ বিমানে ৷ বুধবাৰৰ নিশাটো হোটেল ৰেডিশ্ব’ন ব্লু’তেই কটাব গৃহমন্ত্ৰী শ্বাহে ৷ বৃহস্পতিবাৰে গুৱাহাটীৰ পৰা পুনৰ তেওঁ যাত্ৰা কৰিব আগৰতলা অভিমুখে ৷ বৃহস্পতিবাৰে ত্ৰিপুৰাৰ দলীয় সভাত অংশগ্ৰহণৰ কথা গৃহমন্ত্ৰীগৰাকীৰ ৷
আজি নিশা গৃহমন্ত্ৰীগৰাকী গুৱাহাটীৰ বিমান বন্দৰত উপস্থিত হোৱাৰ পাছতে মুখ্যমন্ত্ৰী ড৹ হিমন্ত বিশ্ব শৰ্মাই তেওঁক আদৰণি জনায় (Assam CM welcomed Amit Shah at airport)৷ মুখ্যমন্ত্ৰীগৰাকীৰ লগতে গৃহমন্ত্ৰীগৰাকীক আদৰণি জনায় সাংসদ পবিত্ৰ মাৰ্ঘেৰিটাইও ৷ কাইলৈ আগৰতলাত ৰথ যাত্ৰাৰ শুভাৰম্ভণি কৰিব কেন্দ্ৰীয় গৃহমন্ত্ৰীগৰাকীয়ে ৷
লগতে পঢ়ক: Union Budget 2023 : ১৯৫০ চনত দেশত আয়কৰ কিমান আছিল ? কেন্দ্ৰীয় বাজেটৰ ইটো সিটো
