নেশ্যনেল ডেস্ক, ৯ মাৰ্চ : ভাৰতীয় বায়ু সেনাৰ বায়ু সেনা একাডেমীৰ কমাণ্ডেণ্ট হিচাপে দায়িত্ব গ্ৰহণ কৰে AVSM এয়াৰ মাৰ্শ্বেল বি চন্দ্ৰ শেখৰে (B Chandra Sekhar takes over as Commandant) । তেলেংগানাৰ সন্তান এয়াৰ মাৰ্শ্বেল বি চন্দ্ৰ শেখৰে হায়দৰাবাদত স্কুলীয়া শিক্ষা লাভ কৰিছিল আৰু ৰাষ্ট্ৰীয় প্ৰতিৰক্ষা একাডেমীত অংশগ্ৰহণ কৰিছিল ।
বি চন্দ্ৰ শেখৰ ডিফেন্স চাৰ্ভিচেছ ষ্টাফ কলেজ ৱেলিংটন, ফ্লাইং ইনষ্ট্ৰাক্টৰস্কুল, কলেজ অৱ ডিফেন্স মেনেজমেণ্ট আৰু নেচনেল ডিফেন্স কলেজৰ প্ৰাক্তন ছাত্ৰ । এয়াৰ মাৰ্শ্বেল বি চন্দ্ৰ শেখৰ ১৯৮৪ চনৰ ২১ ডিচেম্বৰত ভাৰতীয় বায়ু সেনাত নিযুক্তি লাভ কৰিছিল । বিভিন্ন বিমান ৫,৪০০ ঘণ্টাতকৈও অধিক সময় সফলভাৱে পৰিচালনা কৰাৰ অভিজ্ঞতা আছে এয়াৰ মাৰ্শ্বেলৰ ।
চিয়াচেন হিমবাহত প্ৰথম MLH শ্ৰেণীৰ হেলিকপ্টাৰ অৱতৰণ কৰাৰো তেওঁৰ অভিজ্ঞতা আছে । ইফালে তেওঁ এগৰাকী সফল উৰণ প্ৰশিক্ষক । প্ৰায় চাৰি দশকৰ কেৰিয়াৰত তেওঁ কেইবাটাও গুৰুত্বপূৰ্ণ দায়িত্ব পালন কৰিছে । পূৱ খণ্ডত অ'পিএছ আইআইবি, ষ্ট্ৰেটেজিক ফ'ৰ্চেছ কমাণ্ডৰ মুখ্য সঞ্চালক (প্ৰশাসন) আৰু জ্যেষ্ঠ বিষয়া প্ৰশাসন, চাউদাৰ্ণ এয়াৰ কমাণ্ড আৰু ইষ্টাৰ্ণ এয়াৰ কমাণ্ডৰ দৰে গুৰুত্বপূৰ্ণ পদত নিযুক্তি লাভ কৰিছিল ।
তেওঁ পূৱ খণ্ডত চিনুক হেলিকপ্টাৰ আৰু ৰাফেল বিমান অন্তৰ্ভুক্ত কৰাৰ ক্ষেত্ৰত বিভিন্ন সেৱা আৰু অন্যান্য প্ৰশাসনিক বিষয়সমূহ পৰিচালনা কৰিছে । বায়ু সেনা একাডেমীৰ কমাণ্ডেণ্ট হিচাপে দায়িত্ব গ্ৰহণ কৰাৰ পূৰ্বে তেওঁ প্ৰশিক্ষণ কমাণ্ডৰ শীৰ্ষ বিমান কৰ্মচাৰী বিষয়া আছিল । তেওঁক ভাৰতৰ ৰাষ্ট্ৰপতিয়ে ২০২০ চনত AVSM সন্মান প্ৰদান কৰে । এয়াৰ মাৰ্শ্বেলগৰাকীৰ পত্নী এগৰাকী অভিজ্ঞ বেংকাৰ আৰু পুত্ৰ আৰু কন্যা দুয়োগৰাকীয়ে ভাৰতীয় বায়ু সেনাৰ কমিছনড বিষয়া ।
লগতে পঢ়ক : উত্তৰ-পূৱৰ প্ৰথমখন ৰাষ্ট্ৰীয় ফৰেনচিক বিজ্ঞান বিশ্ববিদ্যালয়ৰ আধাৰশিলা স্থাপন অমিত শ্বাহৰ
