নিউজ ডেস্ক, ১ ফেব্ৰুৱাৰী : মঙলবাৰৰ পৰা আৰম্ভ হৈছে নৰেন্দ্ৰ মোডী নেতৃত্বাধীন বিজেপি চৰকাৰৰ দ্বিতীয়টো কাৰ্যকালৰ অন্তিমখন পূৰ্ণাংগ বাজেট অধিবেশন (Union Budget 2023) । ৰাষ্ট্ৰপতিৰ ভাষণেৰে আৰম্ভ হোৱা বাজেট অধিবেশনত বুধবাৰে কেন্দ্ৰীয় বিত্ত মন্ত্ৰী নিৰ্মলা সীতাৰমণে সংসদত উত্থাপন কৰে তেওঁৰ চলিত কাৰ্যকালৰ অন্তিমখন বাজেট (Union Finance Minister Nirmala Sitaraman) । বুধবাৰে তেওঁৰ বাজেট ভাষণত বিত্ত মন্ত্ৰীয়ে উদ্যোগীসকলৰ দ্বাৰা আৰম্ভ কৰা কৃষি ষ্টাৰ্ট-আপৰ প্ৰচাৰৰ বাবে কৃষি ত্বৰক পুঁজি স্থাপনৰ কথা ঘোষণা কৰে (Agriculture Accelerator Fund to promote agri startups) । সীতাৰমণে কৃষি ঋণৰ লক্ষ্যও ২০ লাখ কোটিলৈ বৃদ্ধি কৰে । "পশুপালন, দুগ্ধ জাত আৰু মীন পালনৰ ওপৰত গুৰুত্ব দি কৃষি ঋণৰ লক্ষ্য ২০ লাখ কোটি টকালৈ বৃদ্ধি কৰা হ'ব ।" সীতাৰমণে সংসদত কয় ।
বিত্ত মন্ত্ৰীগৰাকীয়ে লগতে কয় যে কৃষিৰ বাবে এক ডিজিটেল ৰাজহুৱা আন্তঃগাঁথনি (digital public infrastructure for agriculture) এক মুক্ত উৎস, মুক্ত মানদণ্ড আৰু আন্তঃকাৰ্যকৰী ৰাজহুৱা মঞ্চ হিচাপে নিৰ্মাণ কৰা হ'ব । যিয়ে শস্য পৰিকল্পনাৰ বাবে কৃষককেন্দ্ৰিক সমাধান বিকশিত কৰাত সহায় কৰিব । ইফালে অৰ্থনৈতিক সমীক্ষাত (Economic Survey) প্ৰকাশৰ এদিন পিছত এইটো ঘোষণা কৰা হৈছে যে কৃষিয়ে ভাল প্ৰদৰ্শন কৰিছে । কিন্তু জলবায়ু পৰিৱৰ্তনৰ প্ৰতিকূল প্ৰভাৱ, বৰ্ধিত আভ্যন্তৰীণ ব্যয় আদিৰ দৰে প্ৰত্যাহ্বানবোৰ অতিক্ৰম কৰিবলৈ কৃষি খণ্ডটোক "পুনৰ-অভিমুখীকৰণ"ৰ (re orientation) প্ৰয়োজন ।
বাজেট ভাষণত বিত্ত মন্ত্ৰীয়ে কয়, ভাৰতত কৃষি খণ্ডত বিগত ছয় বছৰত 4.6 শতাংশৰ এক উমৈহতীয়া বাৰ্ষিক বিকাশৰ হাৰ (common annual growth rate, CAGR) দেখা গৈছে । 2013 চনৰ পৰা 2023 বিত্তীয় বৰ্ষলৈ, কৃষি খণ্ড আৰু গ্ৰাম্য উন্নয়নৰ বাবে আৱণ্টন 12 শতাংশৰ CAGR বৃদ্ধি হোৱাৰ লগতে সামগ্ৰিক বাজেট 11 শতাংশ হাৰত বৃদ্ধি হৈছে (allocations to agriculture sector) ।
যদিও জনসংখ্যাৰ এক বৃহৎ অংশ জীৱিকাৰ বাবে কৃষি খণ্ডৰ ওপৰত নিৰ্ভৰশীল, কম উপাৰ্জন আৰু বৰ্ধিত ব্যয়ৰ বাবে খণ্ডটো এতিয়াও অকাৰ্যকৰী হৈ আছে । পূৰ্বৱৰ্তী বাজেটত কৃষি আৰু কৃষক কল্যাণ মন্ত্ৰালয়ৰ বাবে মুঠ আৱণ্টন আছিল 1.32 লাখ কোটি টকা । যিটো ইয়াৰ পূৰ্বৰ বাজেটতকৈ 0.7 শতাংশ অধিক আছিল ।
বিশেষজ্ঞসকলে প্ৰকাশ কৰিছে যে কৃষি খণ্ডত খেতিয়কসকলক ধৰি ৰখাৰ বাবে এক উন্নত চুক্তি নিশ্চিত কৰাৰ বাবে উন্নত কৃষি সংস্কাৰ আৰু বাণিজ্যিকীকৰণ আৰু বৈচিত্ৰকৰণৰ দিশত আগবাঢ়ি যোৱাৰ প্ৰয়োজন আছে ।
লগতে পঢ়ক :Union Budget 2023 : মধ্যবিত্তৰ বাবে বৃহৎ সকাহ : 7 লাখলৈকে আয়কৰ শূন্য
