তিনিচুকীয়া, ১০ জুলাই: বুধবাৰে তিনিচুকীয়াত এন. এফ. ৰে’লৱে এমপ্লৱেজ ইউনিয়নে সাব্যস্ত কৰে তীব্ৰ প্ৰতিবাদ ৷ তিনিচুকীয়াৰ ডি আৰ এম কাৰ্যালয়ৰ সন্মুখত এন এফ ৰে’লৱে এমপ্লয়িজ ইউনিয়নৰ তিনিচুকীয়া মণ্ডল সমিতিয়ে সাব্যস্ত কৰে এই প্ৰতিবাদী কাৰ্যসূচী । প্ৰতিবাদৰ জৰিয়তে এন এফ ৰে’লৱে এমপ্লয়িজ ইউনিয়নে পুৰণি পেঞ্চন পলিচি পুনৰ ঘূৰাই অনাৰ দাবী উত্থাপন কৰে ৷
প্ৰতিবাদৰ সময়ত ইউনিয়নৰ কৰ্মচাৰীসকলে বিভিন্ন দাবী সমাধান কৰাৰ দাবী সম্বলিত শ্ল’গানেৰে পৰিৱেশ উত্তাল কৰি তোলে । লগতে পুৰণি পেঞ্চন পলিচি পুনৰ ঘূৰাই নানিলে তীব্ৰ প্ৰতিবাদী কাৰ্যসূচী ৰূপায়ণ কৰাৰ হুংকাৰ প্ৰতিবাদকাৰীসকলৰ ।
