বিহপুৰীয়াত ট্ৰেক্টৰ দুৰ্ঘটনা; নিহত চালক

বিহপুৰীয়া, 30 আগষ্ট : লখিমপুৰ জিলাৰ বিহপুৰীয়াত বৃহস্পতিবাৰে এক ভয়ংকৰ ট্ৰেক্টৰ দুৰ্ঘটনা সংঘটিত হয় । এই দুৰ্ঘটনাত এজন লোক থিতাতে নিহত । দুপৰীয়াৰ ভাগত মৰনৈ গ্ৰেজিং অঞ্চলৰ ডিক্ৰং নৈ মথাউৰিত সংঘটিত হয় এই অঘটনটো । দুৰ্ঘটনাত নিহত হোৱা লোকজন হৈছে হৰেন পাৱে ৷ জানিব পৰা মতে, নিহত পাৱে হৈছে দুৰ্ঘটনাত পতিত হোৱা ট্ৰেক্টৰখনৰ চালক ৷ ঘটনাৰ খবৰ লাভ কৰি উক্ত স্থানত বিহপুৰীয়া আৰক্ষী উপস্থিত হৈ নিহত চালকজনক উদ্ধাৰ কৰি যাৱতীয় যাবতীয় ব্যৱস্থা গ্ৰহণ কৰে ।