ধুবুৰী, 18 জুলাই: ৰাজ্যত পুনৰ আৰক্ষীৰ গুলীচালনা । এইবাৰ গোলকগঞ্জৰ ভাৰত-বাংলাদেশ সীমান্তত মষ্ট ৱাণ্টেড গো-মাফিয়া ছিৰাজুল হকক গুলীয়ালে আৰক্ষীয়ে । বৃহস্পতিবাৰে পুৱতি নিশা আৰক্ষীক আক্ৰমণ কৰি পলায়ন কৰোতে গোলকগঞ্জ আৰক্ষীয়ে গুলী চলায় ছিৰাজুললৈ । বুধবাৰে দিনৰ ভাগত আৰক্ষীয়ে আটক কৰিছিল গো মাফিয়া ছিৰাজুল হকক ।
পুৱতি নিশা ছিৰাজুল হকক লগত লৈ গাইখোৱাত উপস্থিত হৈছিল গোলকগঞ্জ আৰক্ষীৰ এটা দল । সেই সময়ত ছিৰাজুলে আৰক্ষীক আক্ৰমণ কৰি পলায়নৰ চেষ্টা কৰে । ফলত গোলকগঞ্জ আৰক্ষীৰ গুলী চলাবলৈ বাধ্য হয় ৷ বৰ্তমান চিকিৎসাধীন হৈ আছে ছিৰাজুল ৷
