শোণিতপুৰ জিলাত নতুন জিলা আয়ুক্ত নিযুক্তি

তেজপুৰ, ২১ ছেপ্টেম্বৰ : শোণিতপুৰত ১৯৯৯ চনৰ অসম অসামৰিক সেৱাৰ বিষয়া অংকুৰ ভৰালীক জিলা আয়ুক্তৰ দায়িত্ব দিয়া হৈছে । জিলাখনৰ প্ৰাক্তন আয়ুক্ত দেৱ কুমাৰ মিশ্ৰৰ পৰা শোণিতপুৰ জিলাৰ আয়ুক্তৰ দায়িত্বভাৰ গ্ৰহণ কৰে ভৰালীয়ে ৷ ইয়াৰ পূৰ্বে ভৰালী ধেমাজি জিলাৰ আয়ুক্ত আছিল । দায়িত্বভাৰ লোৱাৰ পিচতেই জিলা প্ৰশাসনৰ উচ্চ-পদস্থ বিষয়াসকলে নৱনিযুক্ত আয়ুক্তগৰাকীক উষ্ম আদৰণি জনোৱাৰ লগতে বিদায়ী আয়ুক্তগৰাকীক বিদায় সম্ভাষণ জনায় । দেৱ কুমাৰ মিশ্ৰক কামৰূপৰ জিলা আয়ুক্ত তথা গুৱাহাটী জৈৱ প্ৰযুক্তি উদ্যান আৰু অসম জৈৱ প্ৰযুক্তি পৰিষদৰ মুখ্য কাৰ্যবাহী বিষয়া হিচাপে বদলি কৰা হৈছে ৷ ২০২২ চনৰ ৪ এপ্ৰিলত শোণিতপুৰ জিলাৰ আয়ুক্ত হিচাপে যোগদান কৰিছিল ৷