গৰমৰ বাবে মৃত্যুক আকোঁৱালি ল’লে এগৰাকী মহিলাই

যোৰহাট, 26 জুলাই : প্ৰচণ্ড গৰমৰ বাবে মৃত্যুক আকোঁৱালি ল’লে এগৰাকী মহিলাই ৷ জানিব পৰা মতে পশ্চিম যোৰহাটৰ সৰু হুজ গাঁও নিবাসী বাবুল দাসৰ পত্নী নিভা দাসে (৩৭) বিশেষ কামৰ বাবে যোৰহাট নগৰলৈ আহিছিল ৷ নগৰৰ মাজমজিয়াৰ ভোগদৈ দলঙৰ পৰা অলপ দূৰৈত হঠাতে মহিলাগৰাকী বাগৰি পৰে আৰু কিছু সময়ৰ পিচতে কৰুণভাৱে মৃত্যুক আকোঁৱালি লয় ৷

স্থানীয় প্ৰত্যক্ষদৰ্শীয়ে প্ৰচণ্ড গৰমৰ বাবেই মহিলাগৰাকীৰ মৃত্যু হোৱা বুলি সন্দেহ প্ৰকাশ কৰিছে ৷ আনহাতে আজি যোৰহাটত তাপমাত্ৰাই ৩৮ ডিগ্ৰী ছেলছিয়াচ অতিক্ৰম কৰে ।