বৰপেটা সত্ৰৰ প্ৰথমগৰাকী সত্ৰাধিকাৰৰ ৫৩৪ সংখ্যক জন্মজ‌য়ন্তী পালন - MATHURA DAS BURHA ATA

বৰপেটা, ২১ মে': বৰপেটা সত্ৰৰ প্ৰথমগৰাকী সত্ৰাধিকাৰ মথুৰা দাস বুঢ়া আতাৰ ৫৩৪ সংখ্যক জন্মজ‌য়ন্তী দুদিনীয়া কাৰ্যসূচীৰে পালন কৰা হয় । যোৱা ১৯ মে'ৰ পৰা বৰপেটা সত্ৰত আয়োজিত এই জন্মজ‌য়ন্তীৰ সোমবাৰে সামৰণি পৰে । জন্মজয়ন্তী উপলক্ষে নিত্যনৈমিত্তিক নাম প্ৰসংগৰ লগতে ধৰ্মালোচনী সভা আৰু আই সকলৰ আয়তি নামৰ আয়োজন কৰা হয় । সোমবাৰে আইসকলৰ আয়তি নামেৰে মথুৰা দাস বুঢ়া আতাৰ জন্ম জয়ন্তীৰ কাৰ্যসূচীৰ সামৰণি পৰে । আয়তি নামৰ শেষত চেনীৰ প্ৰসাদ বিতৰণ কৰা হয় ।

উল্লেখ্য় যে মহাপুৰুষ শ্ৰী শ্ৰী মাধৱদেৱে ১৮৮৩ খৃষ্টাব্দত বৰপেটা সত্ৰ প্ৰতিষ্ঠা কৰি আঠ বছৰ সত্ৰত থকাৰ পাছত এই সত্ৰখনৰ সমস্ত দায়িত্ব গোপাল তাঁতীক অৰ্পণ কৰা হৈছিল । গোপাল তাঁতীক মহাপুৰুষ মাধৱদেৱে মথুৰাদাস বুঢ়া আতা নামেৰে নামকৰণ কৰি তেওঁক সত্ৰাধিকাৰ পদত অধিষ্ঠিত কৰিছিল । শ্ৰীমন্ত শংকৰদেৱ-মাধৱদেৱ গুৰু দুজৰ পাচতেই বৰপেটাৰ সত্ৰীয়া ব্যৱস্থাত অধিক মান্যতা প্ৰদান কৰা হয় মহাপুৰুষ মাধৱদেৱৰ প্ৰিয় শিষ্য, তিনিও ৰাজ্যৰ বন্দনীয় থান বৰপেটা সত্ৰৰ প্ৰথমগৰাকী সত্ৰাধিকাৰ শ্ৰীশ্ৰীমথুৰা দাস বুঢ়া আতাক ৷

লগতে পঢ়ক:বৰপেটা সত্ৰত মথুৰা দাস বুঢ়া আতাৰ তিৰোভাৱ তিথি পালন