৬ এপ্ৰিলত হোজাইলৈ আহিব গৃহ মন্ত্রী অমিত শ্বাহ, প্ৰস্তুতি তুংগত - Amit Shah visit Assam

হোজাই, 1 এপ্ৰিল : লোকসভা নিৰ্বাচনক লৈ তৎপৰ হৈছে ৰাজ্যৰ প্ৰতিটো ৰাজনৈতিক দল ৷ সকলোৱে দলেই সৰ্বোচ্চ উজাৰি সমষ্টিয়ে সমষ্টিয়ে চলাইছে নিৰ্বাচনী প্ৰচাৰ ৷ ইয়াৰ মাজতে কাজিৰঙা লোকসভা সমষ্টিৰ অন্তৰ্গত  হোজাইৰ শংকৰদেৱ নগৰত 6 এপ্ৰিলত বিজেপি দলে আয়োজন কৰিছে বিশাল জনসভা ৷  

হোজাই জিলাৰ আয়ুক্ত কাৰ্যালয়ৰ সন্মূখত থকা শংকৰদেৱ নগৰ খেলপথাৰত অনুষ্ঠিত হ’বলগীয়া বিজেপিৰ এই নিৰ্বাচনী প্ৰচাৰ সভাত অংশগ্ৰহণ কৰিব দেশৰ গৃহমন্ত্ৰী অমিত শ্বাহে ৷ এই জনসভাত অমিত শ্বাহে কাজিৰঙা লোকসভা সমষ্টিৰ বিজেপিৰ প্ৰাৰ্থী কামাখ্যা প্ৰসাদ তাছাৰ হৈ চলাব নিৰ্বাচনী প্ৰচাৰ ৷

ইতিমধ্যেই হোজাই জিলা বিজেপিয়ে দলটোৰ জিলা পৰ্যায়কে ধৰি প্ৰতিটো মণ্ডল, বুথ পৰ্যায়ত এই বিশাল জনসভা সন্দৰ্ভত আৰম্ভ কৰিছে ব্যাপক প্ৰস্তুতি ৷ শংকৰদেৱ নগৰত বিশাল পেণ্ডেল নিৰ্মাণ কৰাও পৰিলক্ষিত হৈছে ৷ এই সভাত একৰ পৰা ডেৰ লক্ষাধিক ৰাইজ উপস্থিত থাকিব বুলি জানিবলৈ দিছে হোজাই জিলা বিজেপিৰ সভাপতি অনুপ দেৱে ৷ সভাত দেশৰ গৃহমন্ত্ৰীগৰাকীৰ উপৰিও ৰাজ্যৰ মুখ্যমন্ত্ৰীকে ধৰি কেইবাজনো মন্ত্ৰী-বিধায়ক উপস্থিত থাকিব ৷ 

লগতে পঢ়ক : মাজুলীত পাঁচ হাজাৰ কৰ্মকৰ্তাৰ সৈতে মুখ্যমন্ত্ৰীৰ চাইকেল ৰেলী - Lok Sabha Election 2024