হায়দৰাবাদ: বিলাসী গাড়ী নিৰ্মাতা মাৰ্চিডিজ বেঞ্জ ইণ্ডিয়াই ভাৰতীয় বজাৰত EQ প্ৰযুক্তিৰে নতুন Mercedes-Benz G 580 EV মুকলি কৰিবলৈ ওলাইছে বুলি জনাইছে । কোম্পানীটোৱে এই গাড়ীখন 2025 চনৰ 9 জানুৱাৰীত ভাৰতীয় বজাৰত মুকলি কৰিব বুলি জানিব পৰা গৈছে । EQ প্ৰযুক্তিৰ সৈতে নতুন G 580 ইভি হৈছে আইকনিক জি-ক্লাছৰ অল-ইলেক্ট্ৰিক সংস্কৰণ, য’ত কোৱাড-মটৰ অল-হুইল ড্ৰাইভ পাৱাৰট্ৰেইন আছে যিয়ে এটা সম্পূৰ্ণ চাৰ্জত 473 কিলোমিটাৰ পৰ্যন্ত ৰেঞ্জৰ অফাৰ প্ৰদান কৰিছে ।
Mercedes-Benz G 580 EV ৰ ডিজাইন আৰু বাহিৰৰ অংশ
ইয়াৰ ডিজাইনৰ কথা ক’বলৈ গ’লে G 580 EV ত ষ্টেণ্ডাৰ্ড ইণ্টাৰনেল কম্বচন জি-ক্লাছ সংস্কৰণতকৈ মাত্ৰ কিছু অংশহে পৰিৱৰ্তনহে কৰা হৈছে । সন্মুখৰ ফালে চাৰিটা স্লেটৰ গ্ৰীল আচলতে এটা বন্ধ পেনেল, যদিও বিশ্বৰ বজাৰত ক্ৰেতাসকলে ইয়াৰ ঠাইত EQ ষ্টাইলৰ ব্লেংকড-আউট গ্ৰীলৰ সৈতে সলনি কৰাৰ বিকল্প পায়, য’ত চাৰিওফালে লাইট থাকে । বাম্পাৰতো সৰু সৰু পৰিৱৰ্তন কৰা হৈছে, লগতে এ-পিলাৰৰ কাষৰ ক্লেডিঙৰ পৰিৱৰ্তনও হৈছে ।
পিছফালে G 580 EV ত ছাদত লগোৱা স্পয়লাৰ আৰু পিছফালৰ চকা তোৰণত এয়াৰ পৰ্দা ব্যৱহাৰ কৰা হৈছে যাতে বায়ুগতিবিদ্যা উন্নত কৰাত সহায় কৰে । ইয়াৰ উপৰিও G 580 EV ত বুট-মাউণ্ট কৰা স্পেয়াৰ হুইলটো এটা বৰ্গক্ষেত্ৰৰ ষ্ট’ৰেজ বক্সৰ সৈতে সলনি কৰাৰ বিকল্পও আছে য’ত চাৰ্জিং কেবল, সঁজুলি আৰু আন বহুতো বস্তু ৰাখিব পাৰে ।
Mercedes-Benz G 580 EV ৰ ভিতৰৰ অংশ
ইণ্টেৰিয়ৰৰ কথা ক’বলৈ গ’লে আইচিই সংস্কৰণ জি-ক্লাছৰ তুলনাত ইয়াত কোনো বৃহৎ পৰিৱৰ্তন হোৱা নাই । ইয়াৰ ডেচব’ৰ্ডত 12.3 ইঞ্চিৰ দুটা ডিজিটেল ডিছপ্লে স্থাপন কৰা হৈছে । আইচিই মডেলৰ পৰা মূল পাৰ্থক্যটো হ’ল ডিছপ্লেত EQ-নিৰ্দিষ্ট গ্ৰাফিক্স আছে আৰু পৰম্পৰাগত থ্ৰী-লকিং ডিফাৰেন্সিয়েল চুইচটো সলনি কৰি ‘টেংক টাৰ্ণ’ বৈশিষ্ট্য আৰু কম ৰেঞ্জ সক্ৰিয় কৰা হৈছে ।
