নিউজ ডেস্ক, 5 অক্টোবৰ: মুথূট ফাইনেন্সৰ সৈতে অংশীদাৰিত্বৰ কথা ঘোষণা কৰিছে গুগল ইণ্ডিয়াই । মুথূট ফাইনেন্স হ’ল সোণৰ বিনিময়ত ঋণ প্ৰদান কৰা নন-বেংকিং বিত্তীয় কোম্পানী (NBFC) ৷ এই অংশীদাৰিত্বই গুগল পে’ৰ জৰিয়তে বিশেষকৈ গ্ৰাম্য অঞ্চলত ক্ষুদ্ৰ ব্যৱসায়ী আৰু গ্ৰাহকক সোণৰ বিনিময়ত ঋণ প্ৰদান কৰিব ।
চলিত বৰ্ষৰ 'গুগল ফৰ ইণ্ডিয়া' অনুষ্ঠানত গুগলে এক বিবৃতিত কয়, "সমগ্ৰ ভাৰতৰ মানুহে এতিয়া সুলভ সুতৰ হাৰ আৰু নমনীয় ব্যৱহাৰৰ বিকল্পৰ সৈতে এই ক্ৰেডিট প্ৰডাক্টটো ব্যৱহাৰ কৰিব পাৰিব । আমাৰ লক্ষ্য হৈছে ঋণগ্ৰহণকাৰীক নমনীয়তা আৰু ঋণদাতাক নিৰাপত্তা প্ৰদান কৰা ।"
উল্লেখ কৰা প্ৰয়োজন যে, গুগল পে হৈছে কোম্পানীটোৰ ডিজিটেল পেমেণ্ট সেৱা ।
গুগলৰ প্ৰডাক্ট মেনেজমেণ্টৰ সঞ্চালক শৰৎ বুলুছুৱে কয়, "ভাৰতীয়সকলৰ সোণৰ সৈতে এক দীৰ্ঘদিনীয়া সাংস্কৃতিক সম্পৰ্ক আছে ৷ যাৰ বাবেই ভাৰতীয় পৰিয়ালসমূহ বিশ্বৰ মুঠ সোণৰ 11 শতাংশতকৈ অধিকৰ মালিক । এই সম্পত্তি অৰ্থনৈতিক কাৰ্যকলাপৰ বাবে সংগঠিত কৰিব পাৰি । আৰু সেইটোৱেই হৈছে ঋণৰ আঁৰৰ ধাৰণা ।"
তথ্য অনুসৰি কোম্পানীটোৱে আন এটা NBFC আদিত্য বিৰলা ফাইনেন্স লিমিটেডৰ সৈতেও সোণৰ ঋণৰ বাবে অংশীদাৰিত্ব কৰিব । বুলুছুৱে কয়, "আমি নিশ্চিত কৰিছো যে আমি এই কামটো দায়িত্বশীলভাৱে কৰিছো, যাতে ব্যৱহাৰকাৰী আৰু ঋণদাতা উভয়ৰে সুবিধা হয় ।
Availing responsible credit on Google Pay is now easier, as we’re partnering with @AdityaBirlaGrp - India’s leading, well-diversified NBFC 💪
— Google India (@GoogleIndia) October 3, 2024
Hear more from @stochastix as he shares the work we’re doing on making credit more accessible to India.#GoogleForIndia… pic.twitter.com/yrdGL4DJJ6
টায়াৰ-2 আৰু সৰু চহৰসমূহৰ ব্যৱহাৰকাৰীসকলৰ বাবে 80 শতাংশতকৈ অধিক সোণৰ ঋণ উপলব্ধ । আই চি আৰ এৰ তথ্য অনুসৰি 25 বিত্তীয় বৰ্ষত সংগঠিত সোণৰ ঋণৰ বজাৰখনে 10 ট্ৰিলিয়ন টকা অতিক্ৰম কৰি 2027 চনৰ মাৰ্চ মাহৰ ভিতৰত 15 ট্ৰিলিয়ন টকা হোৱাৰ সম্ভাৱনা আছে ।
সোণৰ ঋণ আৰু ব্যক্তিগত ঋণৰ মাজত পৃথক ?
সোণৰ ঋণৰ জৰিয়তে ঋণ লোৱাসকলে তেওঁলোকৰ সোণৰ গহনা বা মুদ্ৰাক ব্যৱহাৰ কৰি বিত্তীয় সাহায্য লাভ কৰিব পাৰে । এই ধৰণৰ ঋণে ধনৰ দ্ৰুত সুবিধা প্ৰদান কৰে, কিয়নো ঋণদাতাসকলে দীঘলীয়া ক্ৰেডিট চেকৰ প্ৰয়োজন নোহোৱাকৈ সোণৰ মূল্য সহজেই মূল্যায়ন কৰিব পাৰে ।
ব্যক্তিগত ঋণ হৈছে অসুৰক্ষিত বিত্তীয় বিকল্প য’ত ঋণ লোৱাসকলে এককালীন ধন লাভ কৰে, যিটো নিৰ্দিষ্ট সময়ৰ ভিতৰত পৰিশোধ কৰা হয় । এই ঋণসমূহ বিভিন্ন কামত ব্যৱহাৰ কৰিব পাৰি, যেনে চিকিৎসা জৰুৰীকালীন অৱস্থাৰ সৈতে মোকাবিলা কৰা, ভ্ৰমণৰ বাবে ধন আগবঢ়োৱা, নতুনকৈ ঘৰ সজোৱা বা ঋণ একত্ৰিত কৰা ।
