নিউজ ডেস্ক, 3 ছেপ্টেম্বৰ: ব্ৰাজিলত X নিষিদ্ধ কৰাৰ বাবে উচ্চতম ন্যায়ালয়ে এই গোচৰৰ সোমবাৰে অনলাইন শুনানি অনুষ্ঠিত কৰে । বিচাৰপীঠৰ 11 জন ন্যায়াধীশৰ ভিতৰত 5 জন ন্যায়াধীশ ইয়াত উপস্থিত আছিল । ন্যায়াধীশ আলেকজেণ্ডাৰ ডি মোৰেছো ইয়াত উপস্থিত আছিল ।
ব্ৰাজিলৰ উচ্চতম ন্যায়ালয়ৰ পেনেলে সোমবাৰে সৰ্বসন্মতিক্ৰমে ইলন মাস্কৰ ছ’চিয়েল মিডিয়া প্লেটফৰ্ম X ক দেশজুৰি ব্লক কৰাৰ সিদ্ধান্তৰ প্ৰতি সমৰ্থন আগবঢ়ায় ।
X ৰ ওপৰত নিষেধাজ্ঞা
আইনৰ দ্বাৰা প্ৰয়োজনীয় স্থানীয় আইনী প্ৰতিনিধিৰ নাম প্ৰকাশ কৰিবলৈ অস্বীকাৰ কৰাৰ বাবে যোৱা শুকুৰবাৰে ন্যায়াধীশ আলেকজেণ্ডাৰ ডি মোৰেছে X ৰ ওপৰত নিষেধাজ্ঞাৰ আদেশ দিয়ে । তথ্য অনুসৰি যেতিয়ালৈকে মাস্কে আদালতৰ নিৰ্দেশ মানি নলয় আৰু বাকী থকা জৰিমনা ভৰিব নোৱাৰে তেতিয়া পৰ্যন্ত এক্সৰ ওপৰত নিষেধাজ্ঞা অব্যাহত থাকিব ।
জানিব পৰা মতে বাকী থকা জৰিমনা 30 লাখ মাৰ্কিন ডলাৰতকৈ অধিক ।
যোৱা সপ্তাহত প্ৰদান কৰা ৰায়দানত ন্যায়াধীশ ডি মোৰেছে কয় যে ইলন মাস্কে ব্ৰাজিলৰ সাৰ্বভৌমত্ব আৰু বিশেষকৈ ন্যায়পালিকাৰ প্ৰতি সম্পূৰ্ণ অসন্মান প্ৰকাশ কৰিছে । মাস্ক আৰু তেওঁৰ সমৰ্থকসকলে ন্যায়াধীশ আলেকজেণ্ডাৰ ডি মোৰেছেক স্বৈৰাচাৰী হিচাপে প্ৰতিষ্ঠা কৰিবলৈ চেষ্টা কৰিছে ।
সাত লক্ষাধিক টকাৰ জৰিমনা
টেলিকম নিয়ন্ত্ৰক এনাটেলক নিলম্বনৰ নিৰ্দেশ কাৰ্যকৰী কৰিবলৈ নিৰ্দেশ দিয়া হৈছে । আদালতক ইয়াক কাৰ্যকৰী কৰিবলৈ কোৱা হৈছে আৰু 24 ঘণ্টাৰ ভিতৰত ইয়াৰ প্ৰতিলিপি জমা দিবলৈ নিৰ্দেশ প্ৰদান কৰা হৈছে । ভাৰ্চুৱেল প্ৰাইভেট নেটৱৰ্ক (ভিপিএন) ব্যৱহাৰ কৰা ব্যক্তি বা কোম্পানীক 50 হাজাৰ ৰিয়াল (প্ৰায় 7.47 লাখ টকা) পৰ্যন্ত জৰিমনা বিহা হ’ব পাৰে ।
নিষেধাজ্ঞাৰ আদেশ
চলিত বৰ্ষৰ আৰম্ভণিতে মোৰেছে X ৰ বিৰুদ্ধে ঘৃণা বিয়পোৱাৰ অভিযোগ তুলি একাউণ্টসমূহ বন্ধ কৰিবলৈ নিৰ্দেশ দিছিল । মাস্কে এই আদেশক চেঞ্চৰশ্বিপ বুলি গৰিহণা দিয়ে । লগতে ব্ৰাজিলত প্লেটফৰ্মৰ কাৰ্যালয় বন্ধ কৰি দিয়া হৈছিল ।
ব্ৰাজিলত পুনৰ তেওঁলোকৰ X সেৱা উপলব্ধ হ’ব বুলি ।
