নিউজ ডেস্ক, 26 আগষ্ট: বিজ্ঞান গেলেৰীৰ উদ্যোগত বেংগালুৰুত আৰম্ভ হৈছে এক বিজ্ঞানভিত্তিক প্ৰদৰ্শনী অনুষ্ঠান ৷ 19 শতিকাত কৰ্ণাটকৰ বেংগালুৰুত গৱেষণাৰ বাবে বিজ্ঞানীসকলে ব্যৱহাৰ কৰা বিৰল সামগ্ৰীৰ বুৰঞ্জী লিপিৱদ্ধ হৈ আছে এই চহৰখনত আৰু সেই ইতিহাসৰ প্ৰচাৰ আৰু প্ৰসাৰৰ উদ্দেশ্য বেংগালুৰুৰ বিজ্ঞান চহৰত আৰম্ভ হৈছে বৈজ্ঞানিক ইতিহাস ভিত্তিক এই প্ৰদৰ্শনী অনুষ্ঠানৰ ।
যুৱক-যুৱতীসকলক বিজ্ঞান আৰু গৱেষণাৰ ক্ষেত্ৰত পাৰদৰ্শী কৰি তোলাৰ লক্ষ্যৰে আন্তৰ্জাতিক বিজ্ঞান গেলেৰী নেটৱৰ্কৰ সহযোগত ৰাজ্য চৰকাৰে হেবলত ‘বেংগালুৰু বিজ্ঞান গেলেৰী’ মুকলি কৰিছে ।
গেলেৰীৰ সপ্তম ‘SCI560’ প্ৰদৰ্শনীত 19 শতিকাৰ পৰা বৰ্তমানলৈকে ঔদ্যোগিক, সামৰিক আৰু বৈজ্ঞানিক গৱেষণা কেন্দ্ৰলৈ বেংগালুৰুৰ বৈজ্ঞানিক অৱদান প্ৰদৰ্শন কৰা হ’ব । যাৰ জৰিয়তে যুৱ শিক্ষাৰ্থীসকল গৱেষণাৰ অৱদান আৰু বিজ্ঞান জগতলৈ অৱদানৰ সাক্ষী হ’বলৈ সক্ষম হ’ব বুলি আশা কৰা হৈছে ।
প্ৰথম বিশ্বযুদ্ধৰ বাবে ভাৰতীয়ই ব্যৱহাৰ কৰা টৰ্পিডো (লোহাৰ বৰশী) এ ‘SCI 560’ ত দৰ্শকৰ দৃষ্টি আকৰ্ষণ কৰিছে । ইয়াৰ ডিজাইন আৰু নিৰ্মাণ কৰা হৈছিল বেংগালুৰুত । তেতিয়াৰ মাদ্ৰাজ ইঞ্জিনিয়াৰ গ্ৰুপে নিৰ্মাণ কৰিছিল এই টৰ্পিডো । প্ৰথম বিশ্বযুদ্ধৰ সময়ত ইয়াক সৈন্যই শত্ৰুৰ বিৰুদ্ধে যুঁজিবলৈ ব্যৱহাৰ কৰিছিল বুলি আয়োজকসকলে জানিবলৈ দিয়ে ।
মানচেল ৰিখটাৰ আকৰ্ষণ: 2019 চনত বিভিন্ন হ্ৰদৰ মাটি সংগ্ৰহ কৰি বিভিন্ন স্থানত পানী আৰু বেক্টেৰিয়াৰ সৈতে খেতি কৰা হৈছিল । এতিয়া অণুজীৱৰ প্ৰজনন অবিৰতভাৱে চলি থকাৰ বাবে মাটি অনুযায়ী ফ্ৰেমত বিভিন্ন আকৰ্ষণীয় ৰং দেখা যাব ।
চি.ভি. ৰমন তবলা: পদাৰ্থবিজ্ঞানীগৰাকীয়ে গৱেষণাৰ বাবে ব্যৱহাৰ কৰা তবলা প্ৰদৰ্শনীত ৰখা হৈছে । প্ৰদৰ্শনীখনৰ জৰিয়তে জনসাধাৰণক বাদ্যযন্ত্ৰৰ কম্পন আৰু শব্দ কাৰ্যকৰীভাৱে অনুভৱ কৰাৰ সুযোগ প্ৰদান কৰা হৈছে ।
বাংগালুৰু কম্পিউটাৰ: 2001 চনৰ পৰা 2003 চনৰ ভিতৰত ভাৰত ইলেক্ট্ৰনিকছ লিমিটেড, বেংগালুৰু এ নতুন ধৰণে কম্পিউটাৰ আৱিষ্কাৰ কৰে । বিজ্ঞানীয়ে হাতত কম্পিউটাৰ লৈ কাম কৰিব পৰা হ’ল আৰু কীবৰ্ডৰ প্ৰয়োজন নোহোৱা হ’ল । সেই সময়ত কম্পিউটাৰক আজিৰ স্মাৰ্টফোনৰ দৰে দেখা গৈছিল যদিও ই আছিল কম্পিউটাৰৰ দৰেই বৈশিষ্ট্যপূৰ্ণ । এয়াও প্ৰদৰ্শনীত দেখা পোৱা গৈছে ।
বিভিন্ন পৰীক্ষাগাৰ: বিজ্ঞান গেলেৰীত বীজাণুৰ আৰ্হি, টেলিফোনৰ আৱিষ্কাৰ, বেংগালুৰুৰ মেপিং, হ্ৰদ, মন আৰু যন্ত্ৰ, মহাজাগতিক ৰশ্মি, চহৰখনৰ ডাক টিকট আদিকে ধৰি বেংগালুৰুৰ চৰাইৰ শব্দ সংগ্ৰহ কৰিও প্ৰদৰ্শন কৰা হ’ব , ট্ৰেন্সমিশ্যন ইলেক্ট্ৰনিক্স আৰু অন্যান্য বিষয়সমূহ 30 টা মডেলৰ জৰিয়তে প্ৰদৰ্শিত কৰা হৈছে ।
বিনামূলীয়া প্ৰৱেশঃ জনসাধাৰণে বিনামূলীয়াকৈ প্ৰৱেশৰ সুযোগ লাভ কৰে । সোমবাৰ আৰু মঙলবাৰৰ বাহিৰে বুধবাৰৰ পৰা দেওবাৰলৈ খোলা থাকিব কাৰ্বন বিজ্ঞান গেলেৰী । পুৱা 10 বজাৰ পৰা নিশা 10 বজালৈ খোলা থাকিব এই প্ৰদৰ্শনীৰ দ্বাৰ । 12 জনীয়া এটা বিশেষ দলে কানাড়া আৰু ইংৰাজী ভাষাত বিজ্ঞানৰ আৰ্হিৰ বিষয়ে বুজাব ।
