নিউজ ডেস্ক, 4 অক্টোবৰ: ভাৰতত আইফোন 15 আৰু আইফোন 15 প্লাছৰ ক্ৰেতাসকলক উৎসৱৰ বতৰৰ অফাৰ প্ৰদান কৰিছে Apple এ ৷ Apple ভাৰতত দীপাৱলী বিশেষ চেল আৰম্ভ কৰিছে । এই মডেলসমূহৰ প্ৰতিটো ক্ৰয়ৰ লগে লগে গ্ৰাহকে লাভ কৰিব বিনামূলীয়াকৈ 6,900 টকাৰ সীমিত সংস্কৰণৰ এযোৰ Beats Solo Buds । ইয়াৰবাডসমূহ শিল্পী আকিব ৱানীয়ে ডিজাইন কৰা বিশেষ পেকেজিঙত আহে ।
কালি অৰ্থাৎ 3 অক্টোবৰৰ পৰা আৰম্ভ হোৱা এই অফাৰ মাত্ৰ দুদিনৰ বাবে বৈধ আৰু Apple ৰ অফিচিয়েল ষ্ট’ৰ আৰু ৱেবছাইটৰ জৰিয়তে উপলব্ধ । এই চুক্তিত অতিৰিক্ত বেংক ৰেহাই বাদ দিয়া হৈছে যদিও ক্ৰেতাসকলে এতিয়াও অন্যান্য সুবিধা যেনে 12 মাহলৈকে বিনামূলীয়া EMI আৰু বিনিময় অফাৰ লাভ কৰিব পাৰে ।
আইফোন 15 ৰ আৰম্ভণিৰ মূল্য ভাৰতত 69,9000 টকা । আইফোন 15 ত বেংক কাৰ্ডৰ ৰেহাই নাই আৰু ইয়াৰ আঁৰৰ কাৰণ জানিব পৰা হোৱা নাই । ইয়াৰ কাৰণ হ’ব পাৰে Apple এ শেহতীয়াকৈ নতুন আইফোন 16 ছিৰিজ মুকলি কৰাৰ পিছত আইফোন 15 ছিৰিজৰ মূল্য 10 হাজাৰ টকা হ্ৰাস কৰিছে । সেয়েহে দীপাৱলী বিক্ৰীৰ অংশ হিচাপে কোম্পানীটোৱে হয়তো কেৱল আইফোন 15 থকা ব্যৱহাৰকাৰীসকলক বিনামূলীয়াকৈ ইয়াৰবাড এযোৰ দিব বিচাৰিছে ।
শেহতীয়াকৈ কোম্পানীটোৱে নিজৰ বিটছ ব্ৰেণ্ডিঙৰ অধীনত তিনিটা সামগ্ৰী মুকলি কৰিছে । ইয়াৰ ভিতৰত আছে Beats Solo 4 অন-ইয়াৰ হেডফোন, Beats Pill ব্লুটুথ স্পীকাৰ । এপলে এতিয়া আইফোন 15 ৰ সৈতে বিটছ ছ’ল’ 4 ৰ কাষ্টমাইজড সংস্কৰণ আগবঢ়াইছে, যিটো 4 অক্টোবৰৰ পিছত বিক্ৰী হোৱাৰ সম্ভাৱনা নাই । এই দীপাৱলীৰ অফাৰটো নতুন বিটছ ব্ৰেণ্ডৰ প্ৰচাৰৰ বাবেও তেওঁলোকৰ কৌশল হ’ব পাৰে ।
অৱশ্যে যিসকলে আইফোন 16 ক্ৰয় কৰাৰ পৰিকল্পনা কৰিছে তেওঁলোকে এপল ষ্ট’ৰত কিছু ৰেহাই দাবী কৰিব পাৰিব । আমেৰিকান এক্সপ্ৰেছ, এক্সিছ বেংক আৰু আইচিআইচিআই বেংকৰ কাৰ্ডত 5 হাজাৰ টকাৰ ৰেহাইৰ অফাৰ দিছে । এই অফাৰ আইফোন 16 প্ৰ’, আইফোন 16, আইফোন 16 প্লাছ, আৰু আইফোন 16 প্ৰ’ মেক্সত প্ৰযোজ্য । আইফোন 14 আৰু আইফোন 14 প্লাছ ক্ৰয় কৰা লোকসকলে 3 হাজাৰ টকাৰ বেংক ৰেহাই লাভ কৰিব পাৰিব ।
