টীয়ক : আজি আহোম সেনাপতি তথা অসমৰ শৌৰ্য বীৰ্যৰ প্ৰতীক বীৰ লাচিতৰ জন্মজয়ন্তী । যাৰ বাবে ৰাজ্যবাসীয়ে উদযাপন কৰিছে লাচিত দিৱসৰ । অৱশ্যে লাচিত দিৱসক লৈ প্ৰশাসনৰ যথেষ্ট অৱহেলাৰ অভিযোগ উঠিছে । এই অভিযোগ লাচিত মৈদাম সংৰক্ষণ সমিতিৰ । সমিতিয়ে বহুবাৰ অনুৰোধ জনোৱাৰ পিছতো লাচিত মৈদামৰ লাচিত দিৱসত সংৰক্ষণ সমিতিক কোনো ধৰণৰ সহযোগিতা নকৰিলে প্ৰশাসনে ।
প্ৰশাসনৰ অৱহেলা
অসম চৰকাৰে প্ৰায় ১৫০ কোটি টকা ব্যয় সাপেক্ষে উক্ত স্থানত পূৰ্ব প্ৰেক্ষাগৃহকে ধৰি বিভিন্ন সম্পদসমূহ ভাঙি লাচিত মৈদাম প্ৰকল্প নামেৰে এক অভিলাষী প্ৰকল্পৰ কাম আৰম্ভ কৰিছে । লাচিত বৰফুকনৰ এক সুউচ্চ প্ৰতিমূৰ্তিও নিৰ্মাণ কৰি দেশৰ প্ৰধানমন্ত্ৰীৰ হতুৱাই উন্মোচন কৰাইছিল ।
কিন্তু অসমৰ শৌৰ্য বীৰ্যৰ প্ৰতীক বীৰ লাচিতৰ জন্মজয়ন্তী অৰ্থা লাচিত দিৱসৰ দিনা প্ৰশাসনে নিজাববীয়াকৈ একো কাৰ্যসূচী অনুষ্ঠিত নকৰাত বিভিন্ন মহলত প্ৰশ্ন উত্থাপন হৈছে । যাৰ বাবে বিভিন্ন মহলত প্ৰশ্ন উত্থাপন হৈছে যে কেৱল সুউচ্চ লাচিতৰ প্ৰতিমূৰ্তি নিৰ্মাণ কৰাই শেষ কাম আছিল নেকি চৰকাৰৰ ? সংৰক্ষণ সমিতিয়ে প্ৰশাসনৰ অৱহেলাক লৈ অসন্তুষ্টিও প্ৰকাশ কৰিছে ।
Lachit Barphukan exemplified courage, determination and patriotism. His heroic tales of bravery reverberate across every household in Assam and beyond.
— Himanta Biswa Sarma (@himantabiswa) November 24, 2024
Today on the occasion of #LachitDiwas, I pay my tributes to one of Bharat's greatest military generals. pic.twitter.com/gbgVZ4GtoP
লাচিত দিৱসৰ আয়োজন
অৱশ্যে যোৰহাট প্ৰশাসনে কোনো সহযোগিতা নকৰিলেও টীয়কৰ লাহদৈগড়স্থিত ঐতিহাসিক বীৰ লাচিত বৰফুকন সাংস্কৃতিক প্ৰকল্পত উলহ মালহেৰে দিনজোৰা কাৰ্যসূচীৰে লাচিত দিৱসৰ আয়োজন কৰা হৈছে । লাচিত মৈদাম সংৰক্ষণ সমিতিৰ উদ্যোগত আয়োজিত এই লাচিত দিৱসত পুৱাই পতাকা উত্তোলন কৰা হয় ।
ইয়াৰ লগতে প্ৰতিমূৰ্তিত মাল্যাৰ্পণকে ধৰি পুৱাৰ ভাগত বিভিন্ন কাৰ্যসূচী ৰূপায়ণ কৰা হয় । সমান্তৰালকৈ দুপৰীয়া লাচিত মৈদাম সংৰক্ষণ সমিতিৰ উদ্যোগত মৈদাম প্ৰাংগণত জনগোষ্ঠীয় নৃত্য, মুকলি কুইজ প্ৰতিযোগিতা আৰু এক বিশেষ সম্বৰ্ধনা অনুষ্ঠানৰো আয়োজন কৰা হৈছে ।
লগতে পঢ়ক :গেৰুৱা হ'ল ৰকিবুল হুছেইনৰ দুৰ্গ : চামগুৰিত দিপ্লুৰঞ্জন শৰ্মাই উৰুৱালে বিজয় ধ্বজা
