গুৱাহাটী, ২৮ ফেব্ৰুৱাৰী : বুধবাৰে কেইবাটাও দাবী উত্থাপন কৰি বৃহত্তৰ গুৱাহাটী পাইকাৰী মাছ বেচা-কিনা সমবায় সমিতি লিমিটেডে এক সংবাদমেল আয়োজন কৰে ৷ বেতকুছি পাইকাৰী মাছ বজাৰ থকাৰ স্বত্বেও অবৈধভাৱে ভেটাপাৰাত গঢ়ি উঠা পাইকাৰী বজাৰখনৰ বৈধতা নাইবা বেতকুছি পাইকাৰী মাছ বজাৰৰ লগত একত্ৰিত কৰিবলৈ সংবাদমেলখনত দাবী উত্থাপন কৰে ৷
- " class="align-text-top noRightClick twitterSection" data="">
সংবাদমেলখনত সভাপতি জিতু বৰ্মন আৰু সম্পাদক কাজল পাল চৌধুৰী কয় যে, ভেটাপাৰাত গঢ় লৈ উঠা মাছৰ বজাৰখনৰ থাকিব লগা কোনো অনুজ্ঞাপত্ৰ নাই । লগতে অতি অস্বাস্থ্যকৰ পৰিৱেশত বেচা কিনা হয় বজাৰখনত । অবৈধভাৱে ১০-১২ চকীয়া গাড়ীৰে গুৱাহাটী মহানগৰীৰ মাজমজিয়াত থকা বজাৰখনলৈ অনা হয় মাছ ।
বজাৰখনত অন্ধ্ৰপ্ৰদেশ, কৰ্ণাটকৰ পৰা মাছ আনি এনেদৰে ব্যৱসায় কৰাত "বৃহত্তৰ গুৱাহাটী পাইকাৰী মাছ বেচা কিনা সমবায় সমিতি লিমিটেড"ৰ ব্যৱসায়ীসকলে যথেষ্ট লোকচানৰ সন্মুখীন হোৱা বুলি সদৰী কৰে । অবৈধ বজাৰখনৰ লগত কোনো বিভাগীয় উচ্চ পদস্থ বিষয়াৰ হাত থকাৰ সন্দেহ প্ৰকাশ কৰে বৃহত্তৰ গুৱাহাটী পাইকাৰী মাছ বেচা কিনা সমবায় সমিতি লিমিটেডৰ সদস্যসকলে ।
বজাৰখনৰ সন্দৰ্ভত বৃহত্তৰ গুৱাহাটী পাইকাৰী মাছ বেচা কিনা সমবায় সমিতি লিমিটেডৰ সদস্যসকলে বাৰম্বাৰ GMC ক জনোৱাৰ পিচতো বিহিত ব্যৱস্থা গ্ৰহণ কৰা নাই বুলি অভিযোগ উত্থাপন কৰে । এবাৰ দুবাৰ বজাৰখন উচ্ছেদ কৰিছে কিন্তু পুনৰ বজাৰখন গঢ়ি উঠিছে । কিন্তু এটা বিশেষ সম্প্ৰদায়ে বজাৰখন চলাই থকা বুলি অভিযোগ কৰে সংবাদমেলখনত । ভেটাপাৰাত অবৈধভাৱে গঢ় লৈ উঠা বজাৰখনৰ বাবে লিমিটেডৰ সৈতে প্ৰত্যক্ষ বা পৰোক্ষভাৱে জড়িত প্ৰায় ২০,০০০ লোকৰ জীৱনলৈ ভাবুকি কঢ়িয়াই আনিছে ।
এই সংবাদ মেলখনত অবৈধ বজাৰখন উৎখাত নতুবা চৰকাৰী বৈধতা প্ৰদান কৰি পাইকাৰী বজাৰখনৰ সৈতে এক লগ কৰাৰ দাবী জনায় বৃহত্তৰ গুৱাহাটী পাইকাৰী মাছ বেচা কিনা সমবায় সমিতি লিমিটেডে ।
লগতে পঢ়ক: ধলাই পানীভৰা পঞ্চায়তত প্ৰধানমন্ত্ৰী আৱাস যোজনা ৰূপায়ণত ব্যাপক দুৰ্নীতিৰ অভিযোগ
