ডিব্ৰুগড়, ৯ মে’ : বহু চৰ্চাৰ অন্তত আজি প্ৰকাশ পালে উচ্চতৰ মাধ্যমিকৰ চূড়ান্ত বৰ্ষৰ ফলাফল । ৯ বজাৰ লগে লগে ঘোষণা হ’ল বিজ্ঞান, কলা আৰু বাণিজ্যৰ লগতে বৃত্তিমূখী শাখাৰ ফলাফল । এইবাৰ উচ্চতৰ মাধ্যমিক চূড়ান্ত বৰ্ষত কোনো শীৰ্ষ স্থান নথকাকৈ ফলাফল ঘোষণা কৰিলে শিক্ষা বিভাগে ।
শিক্ষা বিভাগৰ এই হঠকাৰী সিদ্ধান্তৰ পাচতে এতিয়া ৰাজ্যৰ বিভিন্ন প্ৰান্তৰৰ দৰে ডিব্ৰুগড় জিলাৰ আগশাৰীৰ বিদ্যালয়সমূহত নাই পূৰ্বৰ বৰ্ষসমূহৰ দৰে কোনো উৎসৱ মুখৰ পৰিৱেশ । তথাপিও নতুন নিয়মেৰে ঘোষণা হোৱা উচ্চতৰ মাধ্যমিকৰ চূড়ান্ত বৰ্ষৰ ফলাফলক আদৰণি জনাই ডিব্ৰুগড়ৰ ছাত্ৰ- ছাত্ৰী আৰু বিদ্যালয় কৰ্তৃপক্ষই ।
তথ্য অনুসৰি, এইবাৰ ডিব্ৰুগড় জিলাৰ ফলাফলসমূহ এনেধৰণৰ-
কলা শাখা :
- মুঠ ৬৭৭৭ ৰ ভিতৰত উত্তীৰ্ণ হৈছে ৬৩১৯ জন
- ১৭৩৪ প্ৰথম বিভাগ
- ২২৬১জন দ্বিতীয়
- ২৩২৪ তৃতীয় বিভাগ
- মুঠ ৯৩.২৪ শতাংশ উত্তীৰ্ণ
বিজ্ঞান শাখা :
- ২৫৩০ ৰ ভিতৰত ২৩৪৫ উত্তীৰ্ণ
- প্ৰথম বিভাগত ১৪৮০
- দ্বিতীয় বিভাগত ৫৮৪
- তৃতীয় বিভাগত ২৮১ জন
- উত্তীৰ্ণৰ হাৰ ৯২.৬৯
বাণিজ্য শাখা :
- ১১৪২ ৰ ভিতৰত ১০০৭জন উত্তীৰ্ণ
- প্ৰথম বিভাগত ৪৫২
- দ্বিতীয় বিভাগত ৩৫৪ জন
- তৃতীয় বিভাগত ২০১ জন
- উত্তীৰ্ণ হাৰ ৮৮.১৮ শতাংশ
নতুন নিয়মেৰে ঘোষণা হোৱা উচ্চতৰ মাধ্যমিকৰ চূড়ান্ত বৰ্ষৰ ফলাফলক আদৰণি জনাই ডিব্ৰুগড়ৰ আগশাৰীৰ বিদ্যালয় ছল্ট ব্ৰুক একাডেমীৰ অধ্যক্ষই কয়, ‘‘এই নতুন নিয়মে শৈক্ষিক ক্ষেত্ৰলৈ পৰিবৰ্তন আনিব । এতিয়াৰে পৰা ছাত্ৰ-ছাত্ৰীসকলে প্ৰতিযোগিতামূলক পৰীক্ষাৰ বাবে নিজক প্ৰস্তুত কৰিবলৈ সক্ষম হ'ব’’ ।
উল্লেখ্য যে, পুৱা ৯ বজাৰৰ লগে লগে অসম উচ্চতৰ মাধ্যমিক শিক্ষা সংসদৰ কেবাটাও ৱেবছাইটত প্ৰকাশ কৰিছে ফলাফল ৷ ৱেবছাইট কেইটা হ’ল -
1) https://ahsec.assam.gov.in/
2) https://iresults.net/
3) https://indiaresults.com/
4) https://assamjobalerts.com/
5) https://www.results.shiksha/
6) https://iresults.in/
7) https://www.fastresult.in/
8) https://assamresult.in/
আজি তিনিওটা শাখা ক্ৰমে বিজ্ঞান, কলা আৰু বাণিজ্য শাখাৰ লগতে বৃত্তিমুখী পৰীক্ষাৰ ফলাফল ঘোষণা কৰা হৈছে ।
লগতে পঢ়ক :
নোপোৱাৰ বেদনাতকৈ পাই হেৰুওৱাৰ বেদনা অধিক : ৰামানুজনৰ অধ্যক্ষ - Assam HS Result 2024
