তেজপুৰ, ২২ মাৰ্চ : শুকুৰবাৰে কংগ্ৰেছৰ প্ৰাৰ্থী প্ৰেমলাল গুঞ্জুৰ মনোনয়ন পত্ৰ দাখিলৰ সময়ত ধুবুৰী সংসদীয় সমষ্টিৰ কংগ্ৰেছৰ প্ৰাৰ্থী ৰকিবুল হুছেইনো উপস্থিত থাকে ৷ তাত উপস্থিত হৈ ৰকিবুল হুছেইনে অসমৰ মুখ্যমন্ত্ৰী ড৹ হিমন্ত বিশ্ব শৰ্মালৈ তীক্ষ্ণ বাণ এৰে ৷ উচ্ছেদৰ পৰা আৰম্ভ কৰি লাখপতি বাইদেউ আঁচনিলৈকে সকলো দিশতে মুখ্যমন্ত্ৰীগৰাকীক কঠোৰ ভাষাৰে সমালোচনা কৰে তেওঁ ৷
- " class="align-text-top noRightClick twitterSection" data="">
সাংবাদিকে প্ৰশ্ন সুধিলেই টিঙিৰি-তুলা হৈ পৰা মুখ্যমন্ত্ৰীৰ এনে ব্যৱহাৰ গ্ৰহণযোগ্য নহয় বুলি মন্তব্য কৰে তেওঁ ৷ লাখপতি বাইদেউ আঁচনিৰ নামত এগৰাকী মহিলায়ো এতিয়ালৈকে লাখ টকা পোৱা নাই বুলি দাবী কৰে তেওঁ ৷ লাখপতি বাইদেউ আঁচনিৰ ফৰ্ম ভৰ্তিৰ নামত এই চৰকাৰখনে যিমান বেমেজালিৰ সৃষ্টি কৰিছে তাৰ বাবেই এইবছৰ মহিলাসকলে বিজেপিক ভোট নিদিয়ে বুলি উল্লেখ কৰে তেওঁ ৷
আনহাতে বদৰুদ্দিন আজমল অসমৰ মুখ্যমন্ত্ৰী হিমন্ত বিশ্ব শৰ্মাৰ বন্ধু বুলি কটাক্ষ কৰে তেওঁ । আজি তেজপুৰত কংগ্ৰেছৰ প্ৰাৰ্থী প্ৰেমলাল গুঞ্জুৰ মনোনয়ন পত্ৰ দাখিলৰ বাবে আহি তেওঁ কয় যে, এতিয়া কংগ্ৰেছ প্ৰাৰ্থীসকলৰ মাজতে চলি আছে স্বাস্থ্যকৰ প্ৰতিযোগিতা ৷ তেওঁ কয় যে, ধুবুৰীৰ ৰাইজে বদৰুদ্দিন আজমলক প্ৰত্যাখ্যান কৰিব আৰু ৰকিবুল হুছেইনে ধুবুৰীত বিপুল ভোটত জয় লাভ কৰিব । নগাঁও লোকসভা সমষ্টিত প্ৰদ্যুৎ বৰদলৈয়ে বিপুল ভোটত জয় লাভ কৰাৰ লগতে যোৰহাট আৰু ডিব্ৰুগড় সমষ্টিতো কংগ্ৰেছ প্ৰাৰ্থীয়ে বিজেপিক পৰাস্ত কৰিব । গৌৰৱ গগৈয়ে প্ৰায় ২ লাখ ভোটত জয়লাভ কৰিব বুলি দাবী কৰে তেওঁ । সমষ্টি পুনৰ নিৰ্ধাৰণ প্ৰসংগতো বহু জাতি-জনগোষ্ঠী আজি অসন্তুষ্ট বুলি তেওঁ মত প্ৰকাশ কৰে ৷
লগতে পঢ়ক : গণতন্ত্ৰক হত্যা কৰিছে বিজেপিয়ে: লুৰীণজ্যোতি গগৈ - LOK SABHA ELECTIONS
