নিউজ ডেস্ক,৮ ছেপ্টেম্বৰ : চৰকাৰে ২০২২ চনতে লোৱা নাগৰিক সমিতি গঠনৰ সিদ্ধান্তক প্ৰশংসা কৰে অসমৰ মুখ্যমন্ত্ৰী ড৹ হিমন্ত বিশ্ব শৰ্মাই । নাগৰিক সমিতি গঠনকে ধৰি ইয়াৰ পৰিচালনাৰ ক্ষেত্ৰত কঠোৰ পৰিশ্ৰম কৰা আৰক্ষী আৰু আন আন লোকসকলকো তেওঁ প্ৰশংসা কৰে ।
থানা পৰ্যায়ৰ নাগৰিক সমিতি সন্মিলন
শনিবাৰে গুৱাহাটীৰ শ্ৰীমন্ত শংকৰদেৱ কলাক্ষেত্ৰত ৩০৭ থানা পৰ্যায়ৰ 'নাগৰিক সমিতি'ৰ সন্মিলনত অংশগ্ৰহণ কৰাৰ পিচতে মুখ্যমন্ত্ৰীগৰাকীয়ে এক্সত এটা পোষ্ট শ্বেয়াৰ কৰে । য'ত তেওঁ লিখিছে, "আজি আমি অসমত সামূহিক আৰক্ষীক পুনৰ সংজ্ঞায়িত কৰিবলৈ আৰু এখোজ আগবাঢ়িছো । প্ৰথমবাৰৰ বাবে মই ৩০৭ থানা পৰ্যায়ৰ 'নাগৰিক সমিতি'ৰ এখন সন্মিলনত সভাপতিত্ব কৰিছো । প্ৰতিখন আৰক্ষী থানাৰ নাগৰিক আৰু প্ৰতিনিধিৰে গঠন কৰা এই সমিতিসমূহে জনসাধাৰণ আৰু আৰক্ষীৰ মাজৰ ব্যৱধান দূৰ কৰাৰ বাবে এক শক্তিশালী পৰিকাঠামো প্ৰদান কৰিব ।"
Today we have taken a giant leap to redefine community policing in Assam.
— Himanta Biswa Sarma (@himantabiswa) September 7, 2024
For the first time, I chaired a conference of 307 Thana Level 'Nagarik Samitis'. These committees, constituting citizens and representatives of every police station, will provide a robust framework to… pic.twitter.com/KmHy41xrde
নাগৰিক সমিতিৰ গুৰুত্ব
মুখ্যমন্ত্ৰীয়ে লগতে কয়, "মই আশা কৰো যে নাগৰিক সমিতিয়ে অপৰাধৰ ভুক্তভোগীসকলক-বিশেষকৈ শিশু আৰু মহিলাসকলক সহায় কৰাত গুৰুত্বপূৰ্ণ ভূমিকা পালন কৰিব আৰু এজাহাৰ দাখিল, তথ্য উদ্ধাৰ আৰু প্ৰমাণপত্ৰ লাভ কৰাৰ দৰে আইনী প্ৰক্ৰিয়াৰ ওপৰতো সজাগতা গঢ়ি তুলিব । অসম আৰক্ষীৰ গোটেই দলটোক আৰু যিসকলে নাগাৰিক সমিতিৰ ওপৰত আমাৰ ২০২২ চনৰ সিদ্ধান্তক সফল কৰিবলৈ কঠোৰ পৰিশ্ৰম কৰিছে তেওঁলোকক ধন্যবাদ । ই সঁচাকৈয়ে সমগ্ৰ আৰক্ষী বাহিনীৰ বাবে এক পৰিৱৰ্তনশীল মুহূৰ্ত ।"
অসম আৰক্ষীক প্ৰশংসা মুখ্যমন্ত্ৰীৰ
মুখ্যমন্ত্ৰীয়ে লগতে কয় যে সমাজক শৃংখলাবদ্ধ আৰু শান্তিপূৰ্ণ কৰাৰ বাবে আৰক্ষী বাহিনীৰ এক গুৰুত্বপূৰ্ণ ভূমিকা আছে । তেওঁ লগতে কয় যে শাসনলৈ অহাৰ ৩ মাহৰ ভিতৰত তেওঁ আৰক্ষী থানাৰ সকলো ভাৰপ্ৰাপ্ত বিষয়াৰ সৈতে বৈঠকত মিলিত হৈছিল, য'ত তেওঁ আৰক্ষীৰ আধুনিকীকৰণ পৰিকল্পনাৰ বিষয়ে তেওঁৰ দৃষ্টিভংগীৰ বিষয়ে বৰ্ণনা কৰে । ৩ বছৰত অসম আৰক্ষীয়ে নতুন বিষয়া, কনিষ্টবল আদি নিযুক্তি আৰু বেটেলিয়নৰ আধুনিকীকৰণ আৰু সৱলীকৰণৰ সৈতে কেইবাটাও পৰিৱৰ্তন আনিছে ।
তেওঁ কয়, "যোৱা ৩ বছৰত আৰক্ষীয়ে তেওঁলোকৰ দায়িত্ব নিষ্ঠাৰে আৰু পেছাদাৰীভাৱে পালন কৰিছে আৰু ইয়াৰ ফলস্বৰূপে ৰাজ্যখনত অপৰাধৰ হাৰো যথেষ্ট হ্ৰাস পাইছে । অপৰাধৰ নিম্ন হাৰে আৰক্ষীক সময়মতে অভিযোগনামা দাখিল কৰাত সহায় কৰিছে । ৰাজ্যখনত ফৰেনচিক বিজ্ঞানৰ সুবিধাবোৰ শক্তিশালী কৰাৰ ফলত আৰক্ষীক অপৰাধৰ বিৰুদ্ধে যুঁজ দিয়াত সহায় কৰিছে, যাৰ ফলত অভিযোগনামা দাখিল ত্বৰান্বিত হৈছে । তদুপৰি, প্ৰতি ৬ মাহত অনুষ্ঠিত আৰক্ষী অধীক্ষক সন্মিলনৰো গুৰুত্বপূৰ্ণ ভূমিকা আছে । ভাৰতীয় ন্যায় সংহিতাই জনসাধাৰণ আৰু আৰক্ষীক দ্ৰুততাৰে ন্যায় প্ৰদান কৰাত সহায় কৰিব ।"
লগতে পঢ়ক :অসমৰ চাৰিখন জিলাত জনসংখ্যাতকৈ বেছিকৈ ওলাইছে আধাৰ কাৰ্ড - NEW RULE FOR AADHAAR CARD IN ASSAM
