গুৱাহাটী: অসমীয়া ভাষাই ধ্ৰুপদী ভাষাৰ মৰ্যাদা লাভ কৰা, জাগীৰোডত ছেমি কণ্ডাক্টৰ প্ৰকল্পৰ পৰা আৰম্ভ কৰি চৰাইদেউলৈ বিশ্ব ঐতিহ্যৰ স্বীকৃতিলৈ ২০২৪ত অসমৰ অনন্য প্ৰাপ্তিৰ কথা ১ জানুৱাৰীত সুঁৱৰিলে ৰাজ্যৰ মুখ্যমন্ত্ৰী হিমন্ত বিশ্ব শৰ্মাই । ২০২৪ত অসম চৰকাৰৰ খতিয়ান দাঙি ধৰিলে মুখ্যমন্ত্ৰীয়ে । ঘোষণা কৰিলে নতুন কামৰ পৰিকল্পনা ।
বিদায় মাগিলে ২০২৪ বৰ্ষই। ২০২৫ ক আদৰণি ৷ তাৰ মাজতেই অসমবাসীৰো নিশ্চয় প্ৰশ্ন যে ২০২৪ত অসমৰ বিজেপি চৰকাৰখনে কি কৰিলে ? গুৱাহাটীৰ কইনাধৰাত ‘নতুন দিনৰ আলাপ’ শীৰ্ষক অনুষ্ঠানত সাংবাদিকৰ সৈতে মুখ্যমন্ত্ৰীৰ মত-বিনিময় অনুষ্ঠানত পহিলা জানুৱাৰীৰ দিনা দাঙি ধৰিলে বিগত ২০২৪ বৰ্ষৰ চৰকাৰৰ কাম আৰু সফলতাৰ বিৱৰণ । ২০২৪ত মুঠ ৩৩ খন কেবিনেটৰ বৈঠকত ১৯২২ টা সিদ্ধান্ত গ্ৰহণ কৰিছিল হিমন্ত বিশ্ব শৰ্মা নেতৃত্বাধীন কংগ্ৰেছ চৰকাৰে । ১জানুৱাৰীৰ সাংবাদিকৰে আলাপত মুখ্যমন্ত্ৰীৰ মন্তব্য বছৰটোত কেবিনেটে গ্ৰহণ কৰা ১৯২২ টা সিদ্ধান্তৰ ৫৪ টা কাৰ্যকৰী কৰিবলৈ বাকী আছে এতিয়াও ।
নতুন আশা, উদ্যম আৰু শুভ বার্তাৰে ‘নতুন দিনৰ আলাপ’
— Himanta Biswa Sarma (@himantabiswa) January 1, 2025
Reflecting on Assam's progress in 2024 and sharing the achievements of the past year.
Addressing the New Year's Press Conference https://t.co/aYgE8EL6kf
নিজা বিদ্যুৎ উপাদান বাঢ়িব অসমৰ:
বছৰৰ প্ৰথম দিনটোত মুখ্যমন্ত্ৰীয়ে ৰাজ্যবাসীলৈ দিলে এক বিশেষ বতৰা ৷ বিদ্যুৎ শক্তিৰ ক্ষেত্ৰত অসমত আত্ম-নিৰ্ভৰশীল হ’বলৈ গৈ আছে অসম ৷ “সৌৰ শক্তি প্ৰকল্পৰ পৰা আৰম্ভ কৰি একাধিক জলবিদ্যুৎ প্ৰকল্পৰ পৰা অসমে নতুন বছৰটোতেই লাভ কৰিব বৃহৎ পৰিমাণৰ বিদ্যুৎ শক্তি । যাৰ ফলত শীঘ্ৰে ৰাজ্যত হ্ৰাস পাব বিদ্যুতৰ নিৰিখ ৷” ইংৰাজী নৱবৰ্ষৰ পহিলা দিনটোতেই ৰাজ্যবাসীক মুখ্যমন্ত্ৰী হিমন্ত বিশ্ব শৰ্মাই কইনাধৰাৰ পৰা দিলে এই খবৰ ৷
২০২৬ত গ্ৰীন টেন্সপৰ্টময় অসম :
প্ৰদূষণমুক্ত অসমৰ বাবে ২০২৬ত অসমত ই-বাহন ৰাজহুৱা পৰিবহন ব্যৱস্থাৰ বাবে লক্ষ্য নিৰ্ধাৰণ কৰিছে অসম চৰকাৰে । পহিলা জানুৱাৰীত ঘোষণা মুখ্যমন্ত্ৰীৰ । উল্লেখ্য যে দিনটোৰ পুৱাবেলা গুৱাহাটীৰ খানাপাৰত ৫৬ খন ৰাজহুৱা পৰিবহনৰ ইলেকট্ৰনিক বাহনৰ ফ্লেগ অফ কৰে । লগতে অতি শীঘ্ৰেই প্ৰধানমন্ত্ৰীয়ে আঁচনিৰ অধীনত ১০০ খন ৰাজহুৱা পৰিবহনৰ বাবে ই-বাহন দিব বুলিও মুখ্যমন্ত্ৰীৰ ঘোষণা এক জানুৱাৰীৰ আলাপত ।
To ensure ease of travel to and from the capital city, I am dedicating a Mini ISBT in Khanapara and also adding another 56 e-buses to realise the vision of a pollution free public transport fleet. https://t.co/winX2HTWjE
— Himanta Biswa Sarma (@himantabiswa) January 1, 2025
ঋণগ্ৰস্ত চৰকাৰ: ২০২৫ চনত ল’ব ১৭ হাজাৰ কোটি টকাৰ ঋণ :
২০২৪ বৰ্ষত মুখ্যমন্ত্ৰী হিমন্ত বিশ্ব শৰ্মাৰ চৰকাৰখনে সবাতোকৈ বেছি সমালোচিত হোৱা বিষয়টোৱেই হ’ল বৃহৎ পৰিমাণৰ ঋণ গ্ৰহণৰ বিষয়টো ৷ এই প্ৰসংগতো মুখ্যমন্ত্ৰীৰ দাবী, ঋণ গ্ৰহণ কৰিলেহে বিকাশ ত্বৰান্বিত হ’ব ৷ ৰাজ্যৰ বিত্তীয় বিকাশ থাকিলেহে ঋণ গ্ৰহণ কৰিব পাৰে । ২০২৫ চনত ৰাজ্য চৰকাৰে ১৭ হাজাৰ কোটি টকাৰ ঋণ ল’ব বুলি কৈ মুখ্যমন্ত্ৰীয়ে সাংবাদিকৰে মত-বিনিময়ত জনায়, “ৰাজ্য চৰকাৰৰ আৰ্থিক স্থিতিৰ ওপৰত নিৰ্ভৰ কৰি আমি ২৭০০০ কোটি টকালৈ ঋণ লোৱাৰ বাবে কেন্দ্ৰীয় চৰকাৰৰ অনুমোদন আছে । আমি ১৭০০০ কোটি টকাহে ঋণ লোৱাৰ সিদ্ধান্ত লৈছো । কেন্দ্ৰীয় চৰকাৰৰ বাজেটলৈ লক্ষ্য কৰিলেও আপোনালোকে দেখিব কেন্দ্ৰীয় চৰকাৰেও উন্নয়নমূলক কামৰ কাৰণে ঋণ লয় ৷”
Assam GSDP will touch ₹10 lakh crore by 2028. We have repaid all the loans taken by previous Congress governments. #NotunDinorAalap pic.twitter.com/dA9eiM1wMR
— Himanta Biswa Sarma (@himantabiswa) January 1, 2025
ঋণ প্ৰসংগত লগতে মুখ্যমন্ত্ৰী গৰাকীয়ে কয়, ‘‘ভাৰতৰ আন ৰাজ্যৰ তুলনাত অসমে লোৱা ঋণৰ পৰিমাণ কম ৷ ঋণ লোৱাটো ভাৰত চৰকাৰৰ নিয়ম ৷ দেশৰ ভিতৰত ১৭ নম্বৰ স্থানত উপনীত হৈছে ৰাজ্যৰ GDP ৷ GDPৰ ভিত্তিতে ল’ব পৰা ঋণৰ পৰিমাণ নিৰ্ধাৰণ কৰা হয় ৷”
অসমীয়াত প্ৰকাশ হ’ব মেডিকেল আৰু অভিযান্ত্ৰিক পাঠ্যক্ৰম :
ইতিপূৰ্বে কেন্দ্ৰীয় চৰকাৰৰ ঘোষণা আছিল যে আঞ্চলিক ভাষাত প্ৰকাশিত হ’ব অভিযান্ত্ৰিক আৰু মেডিকেলৰ পাঠ্যপুথি ৷ এই বিষয়ত নৱবৰ্ষৰ পহিলা দিনটোতেই কইনাধৰাত মুখ্যমন্ত্ৰী হিমন্ত বিশ্ব শৰ্মাৰ মন্তব্য, ‘‘অসমীয়া ভাষাত প্ৰকাশ হ'ব আভিযান্ত্ৰিক পাঠ্যক্ৰমৰ কিতাপ৷ মেডিকেল পাঠ্যক্ৰমৰ কিতাপো প্ৰকাশ কৰা হ'ব অসমীয়াত ৷’’
ৰাজ্যত কমিল অপৰাধজনিত ঘটনা :
‘‘ৰাজ্যত পূৰ্বতকৈ হ্ৰাস পাইছে অপৰাধৰ সংখ্যা ৷ ২০২১-২৩ৰ তুলনাত হ্ৰাস হৈছে অপৰাধৰ ঘটনা ৷’’ কইনাধৰাত পূৰ্বৰ তুলনাত অপৰাধৰ সংখ্যা হ্ৰাস পোৱা বুলি মন্তব্য মুখ্যমন্ত্ৰী হিমন্ত বিশ্ব শৰ্মাৰ ৷
অসমলৈ বাংলাদেশীৰ অনুপ্ৰৱেশ :
বিদায়ী বছৰটোত অসমলৈ বাংলাদেশী নাগৰিক অনুপ্ৰৱেশ ৰোধীত সফলতাৰ কথা উল্লেখ কৰিলে মুখ্যমন্ত্ৰীয়ে । বিশেষকৈ বাংলাদেশৰ অগ্নিগৰ্ভ পৰিস্থিতিৰ সৈতে যুঁজিবলগীয়া হোৱা হিন্দুসকলে অসমলৈ অনুপ্ৰৱেশ যে কৰা নাই, সেই বিষয়েও জনালে মুখ্যমন্ত্ৰীয়ে ৷ মুখ্যমন্ত্ৰীৰ মন্তব্য, '“বিগত কিছু দিন ধৰি অসমলৈ বৃহৎ হাৰত বাংলাদেশী নাগৰিকৰ অনুপ্ৰৱেশ ঘটিছে ৷ বৰ্তমানলৈকে ১০০০ অবৈধ বাংলাদেশী নাগৰিকক সীমান্তৰ পৰাই পুনৰ বাংলাদেশলৈ ঘূৰাই পঠোৱা হৈছে ৷"
2024 में असम सरकार ने तक़रीबन बांग्लादेश के 1000 घुसपैठियों को “push back” किया है। हम नहीं चाहते हैं कि घुसपैठिए भारतीय जेल में रहें इसीलिए उन्हें पकड़कर हम उन्हें वापिस भेज देते हैं।#NotunDinorAalap pic.twitter.com/Ibk6O87HKJ
— Himanta Biswa Sarma (@himantabiswa) January 1, 2025
লগতে, অসমত বাংলাদেশী জিহাদীৰ কাৰ্য-কলাপ বৃদ্ধি পোৱা বুলিও মন্তব্য মুখ্যমন্ত্ৰীৰ ৷ মুখ্যমন্ত্ৰীয়ে সাংবাদিকক বুধবাৰে জনালে, ’'জিহাদী কাৰ্য-কলাপ ৰোধৰ বাবে অসম আৰক্ষীয়ে অহৰহ প্ৰচেষ্টা চলাই আহিছে ব্যাপৰ ৰূপত সফলো হৈছে । বৰ্তমানলৈকে অসমৰ পৰা কেইবাটাও মডিউল উৎখাত কৰা হৈছে ৷ এই সন্দৰ্ভত গৃহমন্ত্ৰী অমিত শ্বাহেৰ সৈতেও আলোচনা কৰা হৈছে ।”
অসমত আন্দোলন কমাক লৈ উৎসাহিত মুখ্যমন্ত্ৰী :
বছৰটোত কিমান প্ৰতিবাদ হ’ল, কিমান ৰাজপথ অৱৰোধ হ’ল. কিমান জুুুমুঠি দাহ হ’ল, এক জানুৱাৰীৰ দিনাই হিমন্ত বিশ্ব শৰ্মাই দিলে তাৰো খতিয়ান । অসমৰ আইন-শৃংখলা আৰু উন্নয়নৰ খতিয়ান দাঙি ধৰি ধৰিবলৈ গৈ ৰাজ্যত আন্দোলন কমাক লৈ সন্তোষ প্ৰকাশ মুখ্যমন্ত্ৰী হিমন্ত বিশ্ব শৰ্মাৰ । মুখ্যমন্ত্ৰীৰ দাবী যে ৰাজ্যত আন্দোলন কমাৰ বাবেই বাঢ়িছে উন্নয়নৰ হাৰ । তাৰবাবে আনকি পৰ্যটকৰ সংখ্যাও বৃদ্ধি পাইছে ৰাজ্যত ৷
বছৰটোত ৭৫ লাখ পৰ্যটক আহিল অসমলৈ :
“যোৱা এপ্তাহ ধৰি কাজিৰঙাত ছাফাৰীৰ বাবে জীপ আৰু হাতী পাবলৈ নাই । মই মুখ্যমন্ত্ৰীয়েও যদি কওঁ যে মোক এটা হাতী ছাফাৰী লাগে, মই পাবলৈ সক্ষম নহ’ম ৷ পৰ্যটক বাঢ়িছে কাজিৰঙাত ।”— এই মন্তব্যৰে মুখ্যমন্ত্ৰীয়ে ক’লে, ২০২৪ বৰ্ষটো অসমৰ পৰ্যটনৰ বাবে এটা ভাল বছৰ ৷ কাজিৰঙালৈ পৰ্যটকৰ সংখ্যা বৃদ্ধিৰ বাবে কৃতিত্ব দিলে ৰাষ্ট্ৰীয় উদ্যান ভ্ৰমণ কৰা দেশৰ ৰাষ্ট্ৰপতি, প্ৰধানমন্ত্ৰী আৰু ভূটানৰ ৰজাক ৷
লগতে, “২০২৪ বৰ্ষত অসমলৈ মুঠ ৭৫ লাখ পৰ্যটক আহিল । অসমত আন্দোলন বিবৰ্জিত পৰিৱেশৰ বাবে পৰ্যটক মুকলি মনেৰে ফুৰিব পাৰিছে ৷” মন্তব্য মুখ্যমন্ত্ৰীৰ ।
ডেৰ লাখৰ পৰা ২৫ হাজাৰলৈ হ্ৰাস পাইছে বাতৰি কাকতৰ প্ৰচলন :
সংবাদ মাধ্যমক লৈয়ো বছৰৰ প্ৰথমটো দিনত বিশেষ মন্তব্য মুখ্যমন্ত্ৰীৰ । “সংকটৰ মাজত অসমৰ সংবাদ মাধ্যম ৷ '৭০ দশকৰ মানসিকতা এৰি আধুনিক হ'ব লাগিব বাতৰি কাকতসমূহ ৷ পুৰণি যুগৰ পৰা আঁতৰি প্ৰাসংগিক হ'লেহে জীয়াই থাকিব বাতৰি কাকত ৷ ডেৰ লাখৰ পৰা বাতৰি কাকতৰ প্ৰচলন ২৫ হাজাৰলৈ হ্ৰাস পাইছে, এয়া অত্যন্ত দুৰ্ভাগ্যজনক ৷ তাৰবাবে সাধাৰণ মানুহে বাতৰি কাকতৰ পৰা আঁতৰি ডিজিটেল মাধ্যমলৈ গৈছে ৷” মুখ্যমন্ত্ৰীয়ে কয় ৷
Large section of Assam’s traditional viewers are shifting to digital platforms for news.
— Himanta Biswa Sarma (@himantabiswa) January 1, 2025
Today Assam wants news pertaining to when the state will get a defence corridor, how to benefit from the semiconductor facility but some media houses have become prisoners of pessimism.… pic.twitter.com/2R33i4W6BX
পাৰস্পৰিক বদলিৰ বাবে পৰ্টেল মুকলি :
আনহাতে সাংবাদিকৰ সৈতে মত-বিনিময়ৰ পূৰ্বে মুখ্যমন্ত্ৰীয়ে মুকলি কৰিলে 'স্বাগত সতীৰ্থ' নামৰ এক পৰ্টেল । দিলে ৰাজ্যৰ তৃতীয়-চতুৰ্থবৰ্গৰ কৰ্মচাৰীলৈ সুখবৰ । এই পৰ্টেলৰ জৰিয়তে পাৰস্পৰিক বদলিৰ বাবে কিদৰে আবেদন কৰিব সেয়াও বৰ্ণনা কৰিলে মুখ্যমন্ত্ৰীযে । জানুৱাৰীৰ পৰা ফেব্ৰুৱাৰীলৈ প্ৰতি বছৰে খোলা থাকিব এই পৰ্টেল ।
লগতে, নৱবৰ্ষৰ প্ৰথম দিনটোতে চৰকাৰী কৰ্মচাৰীলৈ মুখ্যমন্ত্ৰীয়ে দিলে বিশেষ উপহাৰ । ৰাজ্য চৰকাৰে চৰকাৰী কৰ্মচাৰীলৈ আগবঢ়াইছে শূন্য কিস্তিৰ বীমা ৷ যাৰ জৰিয়তে চৰকাৰী কৰ্মচাৰীয়ে প্ৰাকৃতিক কাৰণত মৃত্যু হ'লে পাব ১০ লাখ টকা । পথ দুৰ্ঘটনাত মৃত্যু হ'লে পৰিয়ালে পাব ১ কোটি । নতুন দিনৰ আলাপ অনুষ্ঠানত ঘোষণা মুখ্যমন্ত্ৰীৰ ৷
লগতে পঢ়ক: নৱবৰ্ষৰ উপহাৰ; গুৱাহাটীত মুখ্যমন্ত্ৰীয়ে মুকলি কৰিলে কেইবাটাও প্ৰকল্প
