ডিব্ৰুগড়, ৬ ছেপ্টেম্বৰ : ৰাজ্য প্ৰশাসন ব্যৱস্থাত এক নতুন যুগৰ সূচনা কৰি শুকুৰবাৰে অসমৰ মুখ্যমন্ত্ৰী ড৹ হিমন্ত বিশ্ব শৰ্মাই ডিব্ৰুগড়ত মুখ্যমন্ত্ৰী সচিবালয় উদ্বোধন কৰে । ইয়াৰ সৈতে দিছপুৰৰ পিছত, ডিব্ৰুগড় অসমৰ দ্বিতীয়টো স্থানত পৰিণত হয়, য'ত মুখ্যমন্ত্ৰীৰ সচিবালয় স্থাপন কৰা হৈছে ।
অসমৰ মুখ্যমন্ত্ৰী হিমন্ত বিশ্ব শৰ্মাই শুকুৰবাৰে কেন্দ্ৰীয় মন্ত্ৰী সৰ্বানন্দ সোণোৱাল, কেবিনেট মন্ত্ৰী পীযুষ হাজৰীকা, বিমল বড়া, ডিব্ৰুগড়ৰ বিধায়ক প্ৰশান্ত ফুকনকে ধৰি কেইবাজনো বিশিষ্ট ব্যক্তিৰ উপস্থিতিত সচিবালয় উদ্বোধন কৰে ।
Today is a historic day for Assam. For the first time the Chief Minister's Secretariat is being opened to public outside Guwahati. Join me as I dedicate the CM Secretariat in Dibrugarh https://t.co/j1RV1bYYcb
— Himanta Biswa Sarma (@himantabiswa) September 6, 2024
- মাহত কমেও ৪ দিন কাম কৰিব নতুন কাৰ্যালয়ে :
উত্তৰ আৰু উজনি অসম অঞ্চলত সেৱা আগবঢ়োৱাৰ লক্ষ্যৰে, ডিব্ৰুগড়ত নতুন মুখ্যমন্ত্ৰীৰ কাৰ্যালয়ে মাহত কমেও চাৰিদিন কাম কৰিব । নতুন মুখ্যমন্ত্ৰী কাৰ্যালয় স্থাপনৰ মুখ্য উদ্দেশ্য হৈছে ক্ষমতাৰ বিকেন্দ্ৰীকৰণ কৰা আৰু প্ৰশাসনিক কাৰ্যকলাপৰ সন্দৰ্ভত অঞ্চলটোৰ লোকসকলে ৰাজ্যৰ আনটো মূৰত অৱস্থিত দিছপুৰলৈ ভ্ৰমণ নকৰাকৈ তেওঁলোকৰ সম্পৰ্কিত সমস্যাবোৰ সমাধান কৰা ।
এতিয়ালৈকে উজনি অসমৰ মানুহে তেওঁলোকৰ বিভিন্ন কামৰ বাবে দিছপুৰলৈ যাবলৈ ৫০০-৫৫০ কিলোমিটাৰ যাত্ৰা কৰিব লগা হৈছিল, কিন্তু এতিয়া কোনো অসুবিধা নোহোৱাকৈ তেওঁলোকৰ কামবোৰ এই নতুন কাৰ্যালয়ৰ জৰিয়তে সমাধা কৰা হ'ব ।
Will shortly be inaugurating the Chief Minister's Secretariat in Dibrugarh.
— Himanta Biswa Sarma (@himantabiswa) September 6, 2024
This is for the first time the Chief Minister’s Office will partially move out of the Capital and is in line with efforts to decentralise administration and bring the government closer to people. pic.twitter.com/ZJrP8aHv1Q
- উজনি অসমৰ ৯ খন জিলাই লাভ কৰিব সেৱা :
ৰাজধানী দিছপুৰত অৱস্থিত বৰ্তমানৰ অসম সচিবালয়ৰ সমান্তৰালভাৱে ডিব্ৰুগড়ত নতুন মুখ্যমন্ত্ৰীৰ সচিবালয় কাৰ্যকৰী হ'ব । নতুন মুখ্যমন্ত্ৰী কাৰ্যালয়ে উজনি অসমৰ 9 খন জিলা- ডিব্ৰুগড়, তিনিচুকীয়া, গুৱাহাটী, চৰাইদেউ, যোৰহাট, মাজুলী, গোলাঘাট, লখিমপুৰ আৰু ধেমাজিৰ সকলো প্ৰশাসনিক কাম-কাজ চোৱাচিতা কৰিব ।
- চৰকাৰ আৰু ৰাইজৰ মাজত সুদৃঢ় হ’ব সম্পৰ্ক : মুখ্যমন্ত্ৰী
ইয়াৰ পূৰ্বে মুখ্যমন্ত্ৰী শৰ্মাই টুইটাৰযোগে এই সিদ্ধান্তক প্ৰশংসা কৰি কয় যে এই পদক্ষেপে চৰকাৰ আৰু ৰাইজৰ মাজত ঘনিষ্ঠতা বৃদ্ধি কৰিব । তেওঁ কয়, "প্ৰথমবাৰৰ বাবে মুখ্যমন্ত্ৰীৰ কাৰ্যালয় আংশিকভাৱে ৰাজধানীৰ পৰা আঁতৰি যাব আৰু প্ৰশাসনৰ বিকেন্দ্ৰীকৰণ আৰু চৰকাৰক মানুহৰ ওচৰলৈ অনাৰ প্ৰচেষ্টাৰ সৈতে সামঞ্জস্য আনিব ।"
লগতে পঢ়ক : চৰকাৰী কৰ্মচাৰীৰ বাবে কেবিনেটৰ গুৰুত্বপূৰ্ণ সিদ্ধান্ত : পাব কি কি সুবিধা ? - HIMANTA BISWA SARMA
