ডিব্ৰুগড় : পথ দুৰ্ঘটনা ৰোধ কৰিবলৈ অসম আৰক্ষী আৰু পৰিবহণ বিভাগে বিভিন্ন ধৰণৰ ব্যৱস্থা গ্ৰহণ কৰি আহিছে যদিও হ্ৰাস পোৱা নাই পথ দুৰ্ঘটনাৰ সংখ্যা ৷ সেয়ে ৰাজ্যত সংঘটিত এই পথ দুৰ্ঘটনাক লৈ উদ্বিগ্ন অসমৰ মুখ্যমন্ত্ৰী ড৹ হিমন্ত বিশ্ব শৰ্মা । যোৱা দেওবাৰৰ পৰা ডিব্ৰুগড়ৰ সচিবালয়ত থাকি ৰাজ্য চৰকাৰৰ কাম-কাজ তদাৰক কৰা মুখ্যমন্ত্ৰীগৰাকীয়ে আজি অনুষ্ঠিত কৰে পথ দুৰ্ঘটনা নিয়ন্ত্ৰণক লৈ এখন পৰ্যালোচনা সভা ।
এই পৰ্যালোচনা সভাত অসম আৰক্ষীৰ সঞ্চালকপ্ৰধান জি পি সিং, অসম আৰক্ষীৰ শীৰ্ষ বিষয়া, পৰিবহণ বিভাগৰ মন্ত্ৰী যোগেন মহনৰ লগতে পৰিবহণ বিভাগৰ শীৰ্ষ বিষয়া, লোক নিৰ্মাণ বিভাগৰ শীৰ্ষ বিষয়াসকল উপস্থিত থাকে ৷ লগতে এই পৰ্যালোচনা সভাত ভাৰ্ছুৱেলী মুখ্য সচিবৰ লগতে অসম চৰকাৰৰ বহুকেইটা বিভাগৰ শীৰ্ষ বিষয়াসকলেও অংশগ্ৰহণ কৰে । এই সভাত মুখ্যমন্ত্ৰীগৰাকীয়ে ৰাজ্যত সংঘটিত হৈ থকা পথ দুৰ্ঘটনাসমূহৰ কাৰণসমূহ বিশ্লেষণ কৰে ।
Road fatalities in Assam are down 14% however we are committed to mitigate the menace of road accidents, particularly during the upcoming holiday season. I am chairing a meeting with senior officials to chalk out an action plan and review progress. https://t.co/OruphxkCts
— Himanta Biswa Sarma (@himantabiswa) December 24, 2024
পূৰ্বৰ বৰ্ষৰ তুলনাত এই বৰ্ষত ১৪% পথ দুৰ্ঘটনাত মৃত্যুৰ সংখ্যা কমিল বুলিও পৰ্যালোচনাৰ সভাত বিষয়াসকলে মুখ্যমন্ত্ৰীক অৱগত কৰে ।
- ৰাষ্ট্ৰীয় ঘাইপথত স্পীড ব্ৰেকাৰ নিৰ্মাণৰ নিৰ্দেশ :
মুখ্যমন্ত্ৰীয়ে পথ দুৰ্ঘটনাক লৈ অনুষ্ঠিত কৰা পৰ্যালোচনা সভাত আৰক্ষী আৰু পৰিবহণ বিভাগে মুখ্যমন্ত্ৰীক অৱগত কৰে ৰাজ্যৰ বেছি পথ দুৰ্ঘটনা ৰাষ্ট্ৰীয় ঘাইপথসমূহতেই হৈছে । ৰাষ্ট্ৰীয় ঘাইপথসমূহ ভাল হৈ উঠাত পথ দুৰ্ঘটনাৰ সংখ্যা দিনক দিনে বৃদ্ধি পাইছে । ইয়াৰ পাছতে ৰাষ্ট্ৰীয় ঘাইপথত নিৰ্মাণ কৰা সময়ত পৰিকল্পিতভাৱে স্পীড ব্ৰেকাৰ দিয়াৰ ব্যৱস্থা কৰিবলৈ নিৰ্দেশ দিয়ে মুখ্যমন্ত্ৰীয়ে ।
পথ এটা নিৰ্মাণ কৰাৰ বাবে যি বাজেট ধাৰ্য কৰা হয়, তাতে স্পীড ব্ৰেকাৰ নিৰ্মাণ কৰাৰ বাবে ধন নিৰ্ধাৰণ কৰাৰ নিৰ্দেশ দিয়ে মুখ্যমন্ত্ৰীয়ে । লগতে স্পীড ব্ৰেকাৰ নিৰ্মাণ কৰাৰ বাবে যাতে ৰাইজে যাতায়ত কৰোতে অসুবিধা নহয় তাৰ বাবেও দৃষ্টি ৰাখিবলৈ মুখ্যমন্ত্ৰীগৰাকীয়ে আহ্বান জনায় ।
Chaired an important Review Meeting on Road Safety with stakeholders.
— Himanta Biswa Sarma (@himantabiswa) December 24, 2024
While Assam has seen dip in accident fatalities, the time period till January is very crucial to maintain these numbers. We'll carry out extensive measures to ensure our roads are safe for all.
📍 Dibrugarh pic.twitter.com/drx2Uwf6wm
- পাৰ্কিঙৰ ব্যৱস্থা নথকা ধাবাৰ বিৰুদ্ধে ব্যৱস্থা গ্ৰহণৰ নিৰ্দেশ :
ধাবা সন্মুখত দিনে নিশাই বাহন ৰখাই থোৱা বাবেই বিভিন্ন সময়ত ভয়ংকৰ পথ দুৰ্ঘটনা সংঘটিত হৈ আহিছে । সেয়ে এই ক্ষেত্ৰত গুৰুত্ব প্ৰদান কৰিছে মুখ্যমন্ত্ৰী হিমন্ত বিশ্ব শৰ্মাই । ধাবাৰ সন্মুখত পথত যাতে ট্ৰাকৰ লগতে আন বাহন ৰখোৱা নহয় তাৰ বাবে ব্যৱস্থা গ্ৰহণৰ নিৰ্দেশ দিয়ে মুখ্যমন্ত্ৰী শৰ্মাই । লগতে তেওঁ নিশা ৯ বজাৰ পিছত ধাবাৰ সন্মুখৰ পথত গাড়ী ৰখোৱা বন্ধ কৰিবলৈ জিলা আয়ুক্ত আৰু আৰক্ষী অধীক্ষকক নিৰ্দেশ দিয়ে ।
- কুঁৱলী শেষ নোহোৱা পৰ্যন্ত পিকনিক দলৰ গাড়ী চলাচল বন্ধ :
পুৱতি নিশাতে বনভোজ খাবলৈ যোৱাৰ ফলত ৰাজ্যত ভয়ংকৰ পথ দুৰ্ঘটনা সংঘটিত হোৱাৰ ঘটনা প্ৰায়ে সংঘটিত হৈছে । সেয়ে আজি মুখ্যমন্ত্ৰীয়ে পৰ্যালোচনা সভাত কুঁৱলী শেষ নোহোৱা পৰ্যন্ত পিকনিক দলৰ গাড়ী চলাচল বন্ধ কৰিবলৈ নিৰ্দেশ দিয়ে । পিকনিক দল ঘূৰি অহা সময়ত চালকে যাতে মদ সেৱন নকৰে, তাৰবাবে ব্যৱস্থা গ্ৰহণ কৰিবলৈ আৰক্ষীক নিৰ্দেশ দিয়ে মুখ্যমন্ত্ৰীয়ে শৰ্মাই ।
লগতে তেওঁ প্ৰতিখন থানাৰ আৰক্ষীক নিজ নিজ এলেকাত থকা পিকনিক স্থানসমূহত দৃষ্টি ৰাখিবলৈ আহ্বান জনায় । জিলা আয়ুক্তসকলক নিজৰ জিলাত থকা পিকনিক স্থানত আৰক্ষীক ডিউটি দিয়াৰ লগতে পুৱা-গধূলি পৰিস্কাৰ কৰাৰ ব্যৱস্থা কৰিবলৈ তেওঁ আহ্বান জনায় ।
- ৰাজ্যৰ বাহন চালকৰ চকু পৰীক্ষাৰ ব্যৱস্থা কৰিবলৈ নিৰ্দেশ :
পথ দুৰ্ঘটনা নিয়ন্ত্ৰণৰ বাবে বাহন চালকসকলৰ চকু পৰীক্ষাৰ ব্যৱস্থা কৰিবলৈ নিৰ্দেশ মুখ্যমন্ত্ৰীৰ । প্ৰয়োজন অনুসৰি, চালকক চশমাৰ দৰকাৰ হ'লে বা আন কিবা সমস্যা হ'লে তাৰো ব্যৱস্থা কৰিবলৈ পৰিবহণ বিভাগক নিৰ্দেশ মুখ্যমন্ত্ৰীৰ ।
- গুৱাহাটীৰ বাৰসমূহৰ সময় সলনিৰ নিৰ্দেশ :
পথ দুৰ্ঘটনাৰ মূল কাৰণেই সুৰা সেৱন বুলি নিশ্চিত হোৱা পাছতে মুখ্যমন্ত্ৰীগৰাকীয়ে আবকাৰী বিভাগৰ দলক নতুন নিৰ্দেশ দিয়ে । গুৱাহাটীকে ধৰি আন স্থান থকা বাৰসমূহ বন্ধ কৰাৰ সময় সলনি কৰিবলৈ নিৰ্দেশ দিয়ে মুখ্যমন্ত্ৰীয়ে । বছৰৰ সকলো সময়তেই একে সময়তে যাতে বাৰ বন্ধ কৰা নহয় তাৰবাবে ব্যৱস্থা গ্ৰহণ কৰিবলৈ আবকাৰী বিভাগক নিৰ্দেশ দিয়ে মুখ্যমন্ত্ৰী শৰ্মাই ।
