স্প’ৰ্টছ ডেস্ক: তিনিখন মেচৰ টেষ্ট শৃংখলাত নিউজিলেণ্ডৰ হাতত ক্লীন ছুইপ ভাৰত ৷ 3-0 ব্যৱধানত কিৱি বাহিনীয়ে পৰাজিত কৰে ভাৰতক ৷ ইয়াৰ লগে লগে ভাৰতৰ এই পৰাজয়ৰ প্ৰভাৱ পৰে অনুৰাগীসকলৰ লগতে ডব্লিউ টি চি পইণ্ট তালিকাত ৷
টীম ইণ্ডিয়াই 2023-25 বৰ্ষৰ বিশ্ব টেষ্ট চেম্পিয়নশ্বিপ (ডব্লিউ টি চি) ত সন্মুখীন হৈছে এক বৃহৎ বিফলতাৰ । পূৰ্বে এই তালিকাৰ শীৰ্ষস্থানত থকা ভাৰতে টেষ্ট শৃংখলাত পৰাজয়ৰ পিছতে হেৰুৱাবলগীয়া হৈছে নিজৰ স্থান ৷
India lose their top spot in the #WTC25 standings to Australia ahead of the Border-Gavaskar series 👀
— ICC (@ICC) November 3, 2024
More ➡ https://t.co/NhIdk0D9Bc#INDvNZ pic.twitter.com/QOal6bA5tD
ডব্লিউ টি চি পইণ্ট তালিকাত ভাৰতে হেৰুৱালে শীৰ্ষস্থান
পূৰ্বে ডব্লিউ টি চি পইণ্ট তালিকাৰ শীৰ্ষস্থানত আছিল টীম ইণ্ডিয়া । কিন্তু মুম্বাই টেষ্টত 25 ৰাণত দলটোৱে কিৱি বাহিনীৰ হাতত পৰাজয়বৰণ কৰাৰ পিছত হেৰুৱাই এই স্থান ৷ সম্প্ৰতি তালিকাৰ দ্বিতীয় স্থানলৈ অৱনমিত হৈছে ভাৰত ৷ ভাৰতীয় দলৰ হাতত আছে 98 পইণ্ট আৰু ইয়াৰ পি টি চি হৈছে 58.33 ।
আনহাতে, বৰ্তমান সময়ত তালিকাৰ শীৰ্ষস্থান দখল কৰিছে অষ্ট্ৰেলিয়াই ৷ অষ্ট্ৰেলিয়াই 90 পইণ্ট আৰু 62.50 পি টি চিৰ সৈতে তালিকাৰ শীৰ্ষস্থান দখল কৰিছে ৷
নিউজিলেণ্ডৰ স্থান উন্নীত
ভাৰতৰ বিৰুদ্ধে টেষ্ট শৃংখলাত লাভ কৰা বিজয়ৰ পিছত ডব্লিউ টি চি পইণ্ট তালিকাত কেইবাটাও স্থান উন্নীত হৈছে নিউজিলেণ্ডৰ ৷ তালিকাৰ চতুৰ্থ স্থানত উপনীত হোৱা দলটোৱে লাভ কৰিছে 42 পইণ্ট আৰু তেওঁলোকৰ পি টি চি হৈছে 54.55 ।
New Zealand wrap up a remarkable Test series with a 3-0 whitewash over India following a thrilling win in Mumbai 👏 #WTC25 | 📝 #INDvNZ: https://t.co/XMfjP9Wm9s pic.twitter.com/vV9OwFnObv
— ICC (@ICC) November 3, 2024
উল্লেখ্যযোগ্য যে, শ্ৰীলংকা আছে তালিকাৰ তিনি নম্বৰ স্থানত ৷ তদুপৰি দক্ষিণ আফ্ৰিকা এই তালিকাৰ পঞ্চম স্থানত, ষষ্ঠ স্থানত ইংলেণ্ড আৰু পাকিস্তান আছে সপ্তম স্থানত ৷ পইণ্ট তালিকাৰ অন্তিম দুটা দল হৈছে বাংলাদেশ আৰু ৱেষ্ট ইণ্ডিজ ।
লগতে পঢ়ক: নিউজিলেণ্ডৰ বিৰুদ্ধে লজ্জাজনক পৰাজয়ৰ পিছতে অৱসৰ ঘোষণা ভাৰতীয় ক্ৰিকেটাৰৰ
