স্প’ৰ্টছ ডেস্ক: আই চি চি চেম্পিয়নছ ট্ৰফী 2025 ৰ আয়োজকৰ দায়িত্বত আছে পাকিস্তান ৷ চুবুৰীয়া দেশখনত এই প্ৰতিযোগিতাখনৰ প্ৰস্তুতি যুদ্ধংদেহী ৰূপত চলি আছে । কিন্তু, ভাৰতে আই চি চি ইভেণ্টটোৰ বাবে পাকিস্তানলৈ যাবলৈ অস্বীকাৰ কৰাত বৃহৎ বিফলতাৰ সন্মুখীন হৈছে দেশখন ।
ভাৰতে পাকিস্তানলৈ নোযোৱাৰ সন্দৰ্ভত বিতৰ্ক
ভাৰতীয় ক্ৰিকেট নিয়ন্ত্ৰণ ব'ৰ্ডে (বি চি চি আই) চেম্পিয়নছ ট্ৰফী 2025 ৰ বাবে টীম ইণ্ডিয়াক পাকিস্তানলৈ প্ৰেৰণ নকৰাৰ সিদ্ধান্ত লৈছে ৷ এই সিদ্ধান্ত ৰাজহুৱা হোৱাৰ লগে লগে অনুৰাগী আৰু প্ৰাক্তন ক্ৰিকেটাৰসকলৰ মাজত বিষয়টো সন্দৰ্ভত এক ডাঙৰ বিতৰ্ক আৰম্ভ হয় ।
India 🇮🇳 will not travel to Pakistan 🇵🇰 for ICC Champions Trophy 2024 😯
— Richard Kettleborough (@RichKettle07) November 10, 2024
What's the reason 🤔 pic.twitter.com/yX3nNWsqWW
বি চি চি আইয়ে কৈছিল যে, নিৰাপত্তাজনিত কাৰণত এই ভ্ৰমণ সম্ভৱ নহয় । যাৰ পিছত বহুতো প্ৰাক্তন পাকিস্তানী ক্ৰিকেটাৰে কয় যে, এই দেশখন ভাৰতীয় খেলুৱৈসকলৰ বাবে যিমান সুৰক্ষিত হ'ব লাগে, সিমানে সুৰক্ষিত । অৱশ্যে, এই বিষয়টো এতিয়া উপ-মহাদেশতে সীমাবদ্ধ নহয় ৷ দক্ষিণ আফ্ৰিকাৰ অনুৰাগীসকলেও এই বিষয়টো আলোচনা কৰি আছে ।
অনুৰাগীয়ে সূৰ্যক সুধিছিল- কিহৰ বাবে নাহে পাকিস্তানলৈ ?
টীম ইণ্ডিয়া বৰ্তমান 4 খন খেলৰ টি-20 শৃংখলাটোৰ বাবে দক্ষিণ আফ্ৰিকা ভ্ৰমণত ব্যস্ত আছে । কিন্তু, অনুৰাগীসকলে জানিব বিচাৰে যে, টীম ইণ্ডিয়াই চেম্পিয়নছ ট্ৰফীৰ বাবে পাকিস্তান ভ্ৰমণ নকৰে কিয় । দক্ষিণ আফ্ৰিকাত ভাৰতৰ টি-20 অধিনায়ক সূৰ্যকুমাৰ যাদৱক এজন অনুৰাগীয়ে এই সন্দৰ্ভত প্ৰশ্ন কৰে ৷ লগতে টীম ইণ্ডিয়াই কিহৰ বাবে পাকিস্তানলৈ নাযায়, তাৰ প্ৰকৃত কাৰণ প্ৰকাশ কৰিবলৈ অনুৰোধ কৰে ।
এগৰাকী অনুৰাগীয়ে সূৰ্যকুমাৰক সুধিছিল, "আপুনি মোক এটা কথা ক'ব পাৰিবনে, আপুনি পাকিস্তানলৈ কিয় নাহে?"
Pakistan Fans asking India's T20I Captain @surya_14kumar - Why won't he come to Pakistan ?
— alekhaNikun (@nikun28) November 11, 2024
Answer--He won't be selected.
How will he go to Pakistan ?#ChampionsTrophy2025 pic.twitter.com/BgPlCcbROy
ইয়াৰ উত্তৰ সূৰ্যই সততাৰে উত্তৰ দি কয় যে, এয়া খেলুৱৈসকলৰ হাতত থকা বিষয় নহয় । তেওঁ লগতে কয় যে, "আৰে ভাই, আমাৰ হাতত থাকিলেহে"। অনুৰাগী আৰু সূৰ্যৰ এই প্ৰশ্ন-উত্তৰৰ ভিডিঅ’ ব্যাপক ৰূপত সামাজিক মাধ্যমত ভাইৰেল হৈ পৰে ।
শৃংখলাত 1-1 ব্যৱধানত সমতা স্থাপন ভাৰত-দক্ষিণ আফ্ৰিকাৰ
ভাৰত আৰু আয়োজক দেশ দক্ষিণ আফ্ৰিকাৰ মাজত অনুষ্ঠিত হ'বলগীয়া 4 খন খেলৰ টি-20 শৃংখলাত দুয়োটা দলে 1-1 ব্যৱধানত স্থাপন কৰিছে সমতা ৷ শৃংখলাটোৰ তৃতীয়খন মেচ বুধবাৰে চেঞ্চুৰিয়ানৰ চুপাৰস্প’ৰ্ট পাৰ্কত ভাৰতীয় সময় অনুসৰি সন্ধিয়া 8.30 বজাৰ পৰা অনুষ্ঠিত হ'ব ।
লগতে পঢ়ক: পাকিস্তানৰ সলনি দক্ষিণ আফ্ৰিকাত হ’ব চেম্পিয়নছ ট্ৰফী !
