স্প’ৰ্টছ ডেস্ক: এইবাৰ প্ৰভুৱে বচালেহে বচোৱা আৰু ! এনে মনোভাৱকে সাৰথি কৰি ক্ৰিকেটাৰ বিৰাট কোহলী পত্নী অনুস্কা শৰ্মাৰ সৈতে উপস্থিত হ’ল শ্ৰীকৃষ্ণৰ ভজনত ৷ বেংগালুৰু টেষ্টত নিউজিলেণ্ডৰ বিৰুদ্ধে ভাৰতৰ লজ্জাজনক পৰাজয়ৰ পিছত টীম ইণ্ডিয়াৰ সদস্যসকল সন্মুখীন হৈছে সমালোচনাৰ ৷
সুদীৰ্ঘ 36 বছৰৰ পিছত ঘৰৰ মাটিতে টেষ্টত পৰাজয়বৰণ কৰে ভাৰতে ৷ বিশেষকৈ বেংগালুৰু টেষ্টৰ প্ৰথম ইনিংছত দলটো মাত্ৰ 46 ৰাণতে অল আউট হোৱাৰ পিছত সন্মুখীন হৈছিল সমালোচনাৰ ৷
ভজনত অংশগ্ৰহণ বিৰাট কোহলীৰ
ভাৰতৰ সোঁহতীয়া তাৰকা বেটছমেন বিৰাট কোহলীয়ে বেংগালুৰু টেষ্টত পৰাজয়ৰ কেইঘণ্টামান পিছতে পত্নী অনুষ্কা শৰ্মাৰ সৈতে মুম্বাইৰ কৃষ্ণ দাস ভজনত অংশগ্ৰহণ কৰিছিল ৷ পৰৱৰ্তী সময়ত এই ভজনৰ ভিডিঅ’ ভাইৰেল হৈ পৰিছিল সামাজিক মাধ্যমত ।
Virat Kohli and Anushka Sharma enjoying the Krishna Das Kirtan event in Mumbai. 🥹❤️pic.twitter.com/8NtWLlNuos
— Mufaddal Vohra (@mufaddal_vohra) October 21, 2024
অৱশ্যে কথাটো আপুনি বা মই ভবাৰ দৰে শুদ্ধ নহয় ৷ দেওবাৰে আছিল কৰৱাচৌথৰ ব্ৰত ৷ তেনেক্ষেত্ৰত ক্ৰিকেটক বাদ দি সততে পৰিয়ালৰ প্ৰতি থকা প্ৰেমৰ বাবে বিখ্যাত ক্ৰিকেটাৰগৰাকীয়ে পত্নীক কোনো কথাত না কৰাৰ প্ৰশ্নই নুঠে ৷ সেয়ে সপত্নীক বিৰাট কোহলী উপস্থিত হয় মুম্বাইৰ এক ধৰ্মীয় অনুষ্ঠানত ৷
লগতে পঢ়ক: বেংগালুৰু টেষ্টত ভাৰতৰ পৰাজয়ৰ পিছত নেটত অনুশীলন মহম্মদ ছামীৰ; দিলে প্ৰত্যাৱৰ্তনৰ ইংগিত
পৰৱৰ্তী সময়ত এই ভিডিঅ’ ভাইৰেল হৈ পৰে সামাজিক মাধ্যমত ৷ ভাইৰেল হৈ পৰা ভিডিঅ'টোত ভজনৰ সময়ত দুয়োকে সংগীতৰ মাজত বিলীন হৈ পৰা দেখা যায় ৷
আন এক ভিডিঅ’ত অনুষ্কাক কৃষ্ণৰ ভজন গাই থকাও দেখা গৈছিল । কোহলী আৰু অনুস্কাৰ এই আধ্যাত্মিক দৃষ্টিভংগীয়ে তাত উপস্থিত থকা আন আন দম্পতীৰ লগতে অনুৰাগীসকলক উৎসাহিত কৰি তুলিছিল ।
ৰোহিত শৰ্মা আৰু আন একাংশ খেলুৱৈ পুনেলৈ ৰাওনা
নিউজিলেণ্ডৰ বিৰুদ্ধে প্ৰথমখন টেষ্টত পৰাজয়ৰ পিছত অধিনায়ক ৰোহিত শৰ্মাকে ধৰি অধিকাংশ ভাৰতীয় খেলুৱৈ পুনেলৈ ৰাওনা হৈছে ৷ 24 অক্টোবৰৰ পৰা নিউজিলেণ্ডৰ বিৰুদ্ধে অনুষ্ঠিত হ'বলগা দ্বিতীয়খন টেষ্ট মেচত অংশগ্ৰহণ কৰাৰ উদ্দেশ্যে ৰাওনা হৈছে দলটো ।
Virat Kohli and Anushka Sharma spotted attending a live Krishna Das kirtan event in Mumbai 😍🙏 pic.twitter.com/r04RW78UqO
— Sagar Paleja 🇮🇳 (@smartspendcode) October 20, 2024
বিপৰীতে কোহলীয়ে নিজৰ পৰিয়ালৰ সৈতে সময় কটোৱাৰ সিদ্ধান্ত গ্ৰহণ কৰি মুম্বাইলৈ গুচি গৈছিল । পৰৱৰ্তী সময়ত পত্নী অনুস্কাৰ সৈতে কৃষ্ণ ভজনত অংশগ্ৰহণ কৰে ভাৰতৰ তাৰকা বেটছমেনগৰাকীয়ে ৷
পূৰ্বেও দেখা গৈছিল ভজনত
ইয়াৰ আগতে জুলাই মাহত ভাৰতে টি-20 বিশ্বকাপৰ খিতাপ জয়ৰ পিছত কোহলী উৰা মাৰিছিল লণ্ডনলৈ ৷ বিদেশত গৈয়ো দম্পতীটোৱে অংশগ্ৰহণ কৰিছিল এনে ধৰণৰ আধ্যাত্মিক অনুষ্ঠানত ৷
লগতে পঢ়ক: দ্বিতীয় আৰু তৃতীয় টেষ্টৰ বাবে দল ঘোষণা; ৱাশ্বিংটন সুন্দৰক মূল একাদশত অন্তৰ্ভুক্ত
