স্প’ৰ্টছ ডেস্ক, 6 ছেপ্টেম্বৰ: অলিম্পিয়ান মল্লযোদ্ধা বিনেশ ফোগাট আৰু বজৰং পুনিয়াই শুকুৰবাৰে আনুষ্ঠানিকভাৱে নতুন দিল্লীত যোগদান কৰে কংগ্ৰেছ দলত ৷ দলটোৰ ৰাষ্ট্ৰীয় সভাপতি মল্লিকাৰ্জুন খাৰ্গেৰ উপস্থিতিত সাধাৰণ সম্পাদক কে চি বেণুগোপালে আনুষ্ঠানিকভাৱে দলৰ পতাকা পৰিধান কৰোৱাই দুয়োগৰাকী মল্লযোদ্ধাক কংগ্ৰেছত অন্তৰ্ভুক্ত কৰে ।
হাৰিয়ানা বিধানসভা নিৰ্বাচনৰ পূৰ্বে কংগ্ৰেছত যোগদান কৰাৰ পিছত দুয়োগৰাকী মল্লযোদ্ধাই বিজেপিক লক্ষ্য কৰি তীব্ৰ বাক্যবাণ প্ৰয়োগ কৰে ।
যুদ্ধ অব্যাহত থাকিব, এতিয়াও শেষ হোৱা নাই আমাৰ যুদ্ধ: বিনেশ ফোগাট
কংগ্ৰেছত যোগদান কৰাৰ পিছত বিনেশ ফোগাটে কয়, "মই সকলো দেশবাসীক তেওঁলোকৰ সমৰ্থনৰ বাবে ধন্যবাদ জনাব বিচাৰো । কেৱল বেয়া সময়তহে আপুনি জানে যে আপোনাৰ নিজৰ কোন । যেতিয়া আমাক ৰাজপথৰে টানি নিয়া হৈছিল, বিজেপিৰ বাহিৰে দেশৰ সকলো দল আমাৰ সৈতে আছিল"।
#WATCH | Delhi | On joining Congress, Vinesh Phogat says, " i thank congress party...kehte hain na ki bure time mein pata lagta hai ki apna kaun hai...when we were being dragged on the road, all parties except bjp were with us. i feel proud that i have joined a party which stands… pic.twitter.com/FIV1FLQeXa
— ANI (@ANI) September 6, 2024
ইয়াৰ লগতে মল্লযোদ্ধাগৰাকীয়ে কয়, "যুঁজ এতিয়াও শেষ হোৱা নাই । সেয়া এতিয়া আদালতত আছে । আমি সেই যুদ্ধও জিকিম... আজি আমি লাভ কৰা নতুন মঞ্চৰ জৰিয়তে আমি দেশৰ সেৱা কৰিবলৈ কাম কৰিম । আমি যি ধৰণে আমাৰ খেল হৃদয়েৰে খেলিছো, একেদৰে আমি আমাৰ লোকসকলৰ বাবে কাম কৰিম । মই মোৰ ভগ্নীসকলক ক'ব বিচাৰো যে মই তেওঁলোকৰ সৈতে আছো । যদি আপোনাৰ বাবে কোনো নাথাকে, মই তাত থাকিম, কংগ্ৰেছ দল তাত থাকিব । মই এইটো অনুভৱ কৰিছো আৰু মই আপোনাক আশ্বাস দিব পাৰো যে, আমি নিশ্চিতভাৱে তাত থাকিম" ৷
#WATCH | After joining the Congress party, Vinesh Phogat says, " the fight is continuing, it hasn't ended yet. it's in court. we will win that fight as well... with the new platform that we are getting today, we will work for the service of the nation. the way we played our game… pic.twitter.com/WRKn5Aufv2
— ANI (@ANI) September 6, 2024
বিজেপিৰ আই টি কোষক লক্ষ্য পুনিয়াৰ
একে সময়তে বজৰং পুনিয়ায়ো বিজেপিক লক্ষ্য কৰি তীব্ৰ সমালোচনা কৰে । "বিজেপিৰ তথ্য প্ৰযুক্তি(আই টি) কোষৰ উদ্দেশ্য কেৱল ৰাজনীতি কৰা"- পুনিয়াই কয় । "যন্তৰ-মন্তৰত যি ঘটিছিল, তাৰ আঁৰত ভাৰতীয় জনতা পাৰ্টী আছিল । আমি মাটিৰ মানুহ হৈ সকলোৰে বাবে কাম কৰিম । বিজেপিৰ তথ্য প্ৰযুক্তি কোষে 2024 চনৰ পেৰিছ অলিম্পিকৰ ফাইনেলৰ পৰা অযোগ্য ঘোষিত বিনেশ ফোগাটৰ খবৰ উদযাপন কৰিছিল" ৷
#WATCH | Delhi | On joining Congress, Bajrang Punia says, " ...what bjp it cell is saying today that we just wanted to do politics...we had written to all women bjp mps to stand with us but they still didn't come. we are paying to raise the voices of women but now we know that bjp… pic.twitter.com/FGViVeGJLY
— ANI (@ANI) September 6, 2024
