স্প’ৰ্টছ ডেস্ক, 2 অক্টোবৰ: ভাৰতৰ বিৰুদ্ধে অনুষ্ঠিত হ’বলগীয়া টেষ্ট শৃংখলাৰ পূর্বে নিউজিলেণ্ড ক্ৰিকেট দলত হৈছে এক বৃহৎ পৰিৱর্তন ৷ 16 অক্টোবৰৰ পৰা আৰম্ভ হ’বলগীয়া 3 খন মেচৰ টেষ্ট শৃংখলাৰ বাবে নিউজিলেণ্ডে কৰিব ভাৰত ভ্ৰমণ ৷ ইয়াৰ পূৰ্বে টিম চাউথীয়ে দলটোৰ অধিনায়কত্বৰ পৰা পদত্যাগ কৰে । শ্ৰীলংকাৰ বিৰুদ্ধে শোচনীয় পৰাজয়ৰ পিছতে এই সিদ্ধান্ত গ্ৰহণ কৰে ক্ৰিকেটাৰগৰাকীয়ে ।
টম লেথাম হ’ব নতুন টেষ্ট অধিনায়ক
নিউজিলেণ্ডে ঘোষণা কৰিছে যে, দ্ৰুত বলাৰ টিম চাউথীৰ স্থানত নিযুক্তি প্ৰদান কৰা হ’ব টম লেথামক ৷ ইতিমধ্যে এই পদত লেথামক অধিনায়ক হিচাপে নিযুক্তি দিয়া হৈছে । লেথামে ইতিমধ্যে এদিনীয়া আৰু টি-20 ক্ৰিকেটত নিউজিলেণ্ডৰ অধিনায়ক হিচাপে দায়িত্ব পালন কৰি আছে ।
Tim Southee steps down as New Zealand Test captain.
— Mufaddal Vohra (@mufaddal_vohra) October 2, 2024
- Tom Latham appointed new captain. pic.twitter.com/370Wgw5Sdo
অধিনায়কৰ পদ ত্যাগ টিম চাউথীৰ
2022 চনৰ শেষত কেন উইলিয়ামছনে অধিনায়কৰ পদ ত্যাগ কৰাৰ পিছৰে পৰা চাউথীয়ে নিউজিলেণ্ডৰ টেষ্ট দলক নেতৃত্ব প্ৰদান কৰি আছিল । তেওঁ 14 খন টেষ্ট মেচত দলটোৰ অধিনায়কৰ দায়িত্ব পালন কৰিছিল, য’ত দলটোৱে 6 খন মেচত জয়ী হোৱাৰ বিপৰীতে দুখন মেচ অমীমাংসিতভাৱে সামৰণি পৰিছিল ৷
A change at the helm for New Zealand 🏏
— ICC (@ICC) October 2, 2024
As Tim Southee resigns as Test skipper, the Black Caps have named his replacement 👇https://t.co/fqCgL18ZtA
অৱশ্যে সেই সময়ত নিউজিলেণ্ডে 6 খন মেচত পৰাজয়ৰ সন্মুখীন হয় । যাৰ ভিতৰত আছে শেহতীয়াকৈ শ্ৰীলংকাৰ বিৰুদ্ধে 0-2 ব্যৱধানত দলটোৰ পৰাজয় ।
দলৰ স্বাৰ্থত ত্যাগ
টেষ্ট অধিনায়কৰ পদ ত্যাগ কৰাৰ পিছত 35 বছৰীয়া চাউথীয়ে কয় যে, "পদত্যাগ কৰাৰ সিদ্ধান্ত দলটোৰ সৰ্বোত্তম মংগলৰ বাবেহে ৷ তদুপৰি দলৰ নতুন অধিনায়ক হিচাপে লাথামক সমৰ্থন কৰিম ৷ অতি বিশেষ ফৰ্মেটত ব্লেক কেপছৰ অধিনায়ক হোৱাটো মোৰ বাবে এক ডাঙৰ সন্মান আৰু সৌভাগ্যৰ বিষয় । মোৰ সমগ্ৰ কেৰিয়াৰত, মই সদায় দলটোক প্ৰথম স্থান দিবলৈ চেষ্টা কৰি আহিছো আৰু মই বিশ্বাস কৰোঁ যে এইটো দলটোৰ বাবে সৰ্বশ্ৰেষ্ঠ সিদ্ধান্ত" ৷
Tim Southee has stepped down as BLACKCAPS Test captain, with Tom Latham confirmed to take up the role full-time.
— BLACKCAPS (@BLACKCAPS) October 1, 2024
Latham, who has captained the Test side on nine previous occasions, will lead a 15-strong Test squad including Southee, to India next Friday https://t.co/rdMjvX6Nd5
লগতে পঢ়ক: বাবৰ আজমৰ আকস্মিক সিদ্ধান্ত; সলনি হ’ব পাৰে এইগৰাকী ক্ৰিকেটাৰৰ ভাগ্য - PAKISTANI CRICKETER BABAR AZAM
