স্পৰ্টছ ডেস্ক, ১ জুলাই : এইবাৰ টি-২০ বিশ্বকাপ ২০২৪ ৰ চেম্পিয়ন হ’ল ভাৰত । এই ট্ৰফী সমগ্ৰ দেশৰ বাবে অতি গুৰুত্বপূৰ্ণ । এই ক্ষণটোৰ বাবে সকলোৱে অধিৰ আগ্ৰহেৰে অপেক্ষা কৰি আছিল ৷ ১১ বছৰীয়া অপেক্ষাৰ অন্তত ৰোহিত শৰ্মা আৰু তেওঁৰ মেন ইন ব্লুৱে সমগ্ৰ ভাৰতকে গৌৰৱান্বিত কৰাইছে ।
এই মেচৰ পাচতে বাৰ্বাডোছৰ খেলপথাৰত ভাৰতীয় অধিনায়ক ৰোহিত শৰ্মাৰ ফটোশ্বুট কৰে । ৰোহিতে ইনষ্টাগ্ৰামত শ্বেয়াৰ কৰিছে এখন ফটো, য’ত ৰোহিতক ট্ৰফী লৈ থকা দেখা গৈছে । আই চি চিৰ সূচী অনুসৰি বাৰ্বাডোছৰ ‘বিচ’ত ফটোশ্বুট কৰা হৈছিল ।
THE CAPTAIN, LEADER, LEGEND, ROHIT SHARMA. 🫡
— Tanuj Singh (@ImTanujSingh) July 1, 2024
- The Proud Winning Captain Rohit with T20 World Cup 2024 Trophy. 🇮🇳🏆 pic.twitter.com/KrLcbRlxTR
ইয়াৰ পূৰ্বে ভাৰতীয় অধিনায়কগৰাকীয়ে পুৱাৰ ফটো শ্বেয়াৰ কৰিছিল । পুৱা সাৰ পাই ৰোহিতৰ হাতত সেই ট্ৰফী আছিল ৷ যিটো ট্ৰফীৰ বাবে বহু বছৰৰ পৰা অপেক্ষা কৰি আছিল । যিখন ফটো অনুৰাগীৰ মাজত অতি দ্ৰুতগতিত ভাইৰেল হৈ পৰিছে ৷ শ্বেয়াৰ কৰাৰ কেইমিনিটমানৰ ভিতৰতে হাজাৰ হাজাৰ লোকে প্ৰতিক্ৰিয়াও কৰা দেখা গৈছে ।
লগতে পঢ়ক : টি-২০ বিশ্বকাপ জয়ী টীম ইণ্ডিয়াৰ বাবে ১২৫ কোটি টকা পুৰস্কাৰ ঘোষণা বিচিচিআইৰ - T20 WC 2024
ইয়াৰ উপৰিও ৰোহিতে মাটিত শুই থকা ফটো এখনো শ্বেয়াৰ কৰিছে ৷ য’ত তেওঁ নিজৰ অনুভৱ প্ৰকাশ কৰি এটা আচৰিত টোকা লিখিছে । ৰোহিতে লিখিছে, ‘‘মোৰ বৰ্তমান কেনে অনুভৱ হৈছে এই ফটোখন তাৰে প্ৰতীক । বহুত শব্দ আছে, কিন্তু কালি মোৰ বাবে ইয়াৰ অৰ্থ কি আছিল সেই কথা প্ৰকাশ কৰিবলৈ সঠিক শব্দ বিচাৰি পোৱা নাই ৷ মই সকলো শ্বেয়াৰ কৰিম ৷ কিন্তু এতিয়া সপোন পূৰণ হোৱাৰ আনন্দ লৈ আছো ৷’’
THE HISTORIC PICTURE. 🏆
— Mufaddal Vohra (@mufaddal_vohra) June 30, 2024
Captain Rohit Sharma with the World Cup trophy. 🥶🇮🇳 pic.twitter.com/1BhDUQZg0P
উল্লেখ্য যে, ১১ বছৰৰ পাচত ভাৰতীয় দলটোৱে আই চি চিৰ ট্ৰফী জয় কৰাৰ সপোন পূৰণ কৰিবলৈ সক্ষম হ’ল । আকৌ টি-২০ বিশ্বকাপৰ ট্ৰফীৰ বাবে ১৭ বছৰ অপেক্ষা কৰিবলগীয়া হ’ল । ভাৰতে শেষবাৰৰ বাবে ২০০৭ চনত টি-২০ বিশ্বকাপ আৰু ২০১৩ চনত চেম্পিয়নছ ট্ৰফী জয় কৰিছিল ।
