স্প’ৰ্টছ ডেস্ক, ১২ আগষ্ট: দেওবাৰে সামৰণি পৰিল পেৰিছ অলিম্পিক ২০২৪ ৰ । এই উপলক্ষে ভাৰতৰ প্ৰধানমন্ত্ৰী নৰেন্দ্ৰ মোদীয়ে এক্সৰ এটা পোষ্টত ভাৰতীয় খেলুৱৈসকলক উৎসাহিত কৰে ।
মোদীয়ে লিখিছে, "পেৰিছ অলিম্পিকৰ সমাপ্তিত মই সমগ্ৰ ভাৰতীয় দলৰ প্ৰচেষ্টাক প্ৰশংসা কৰিছো । সকলো খেলুৱৈয়ে তেওঁলোকৰ সৰ্বশ্ৰেষ্ঠ প্ৰদৰ্শন কৰিছে আৰু প্ৰতিজন ভাৰতীয়ই তেওঁলোকক লৈ গৌৰৱান্বিত । আমাৰ ক্ৰীড়া নায়কসকলক তেওঁলোকৰ আগন্তুক প্ৰচেষ্টাৰ বাবে শুভেচ্ছা জনাইছো ।"
As the Paris #Olympics conclude, I appreciate the efforts of the entire Indian contingent through the games. All the athletes have given their best and every Indian is proud of them. Wishing our sporting heroes the best for their upcoming endeavours.
— Narendra Modi (@narendramodi) August 11, 2024
খেলুৱৈসকলক প্ৰধানমন্ত্ৰীৰ অভিনন্দন
উল্লেখ্য যে, প্ৰধানমন্ত্ৰী নৰেন্দ্ৰ মোদীয়ে পেৰিছ অলিম্পিক গেমছৰ সময়ত খেলুৱৈসকলৰ সৈতে ফোনত কথা পাতিছিল । দেশৰ হৈ পদক অৰ্জন কৰা ভাৰতৰ খেলুৱৈসকলক প্ৰধানমন্ত্ৰীয়ে নিজেই আমন্ত্ৰণ জনাইছিল আৰু তেওঁলোকৰ প্ৰচেষ্টাক প্ৰশংসা কৰিছিল । লগতে দেশৰ বাবে পদক জয় কৰাৰ বাবে তেওঁলোকক অভিনন্দন জনাইছিল । পদক জয়ী খেলুৱৈসকলৰ ভিতৰত আছে- ভাৰতীয় মহিলা শ্বুটাৰ মনু ভাকৰ, সৰৱজোৎ সিং, স্বপ্নীল কুছালে, নীৰজ চোপ্ৰা, অমন চেহৰাৱত আৰু ভাৰতীয় হকী দল ।
পেৰিছ অলিম্পিকত ভাৰতে লাভ কৰিলে মাত্ৰ ৬ টা পদক
পেৰিছ অলিম্পিক ২০২৪ ৰ বাবে ভাৰতে ১১৭ গৰাকী খেলুৱৈৰে গঠিত এটা দল প্ৰেৰণ কৰিছিল । যিসকলে বিভিন্ন ক্ৰীড়াত অংশগ্ৰহণ কৰিছিল । কিন্তু প্ৰতিযোগিতাত ভাৰতৰ প্ৰদৰ্শন আশানুৰূপ নাছিল । ভাৰতৰ হৈ মাত্ৰ ৪ গৰাকী খেলুৱৈয়ে ব্যক্তিগত ইভেণ্টত পদক লাভ কৰিছে । য’ত মনু ভাকৰৰ দুটা পদক অন্তৰ্ভুক্ত আছে । আনহাতে, ভাৰতীয় হকী দলে এটা পদক লাভ কৰিছে ।
ভাৰতৰ হৈ পেৰিছ অলিম্পিক ২০২৪ ৰ উদ্বোধনী অনুষ্ঠানত পি ভি সিন্ধু আৰু শৰৎ কমল ধ্বজাবাহক আছিল । আনহাতে সামৰণি অনুষ্ঠানত মনু ভাকৰ আৰু পি আৰ শ্ৰীজেশ ধ্বজাবাহক আছিল । আমেৰিকান অভিনেতা তথা চলচ্চিত্ৰ নিৰ্মাতা টম ক্ৰুজে এই সামৰণি অনুষ্ঠানত ষ্টাণ্ট প্ৰদৰ্শন কৰে । ইয়াৰ উপৰিও বিশ্বৰ বহু তাৰকা শিল্পীয়ে এই অনুষ্ঠানত অংশগ্ৰহণ কৰে ।
লগতে পঢ়ক : অভিনৱ বিন্দ্ৰালৈ সন্মান : আই অ’ চি অধিৱেশনত সন্মানীয় 'অলিম্পিক অৰ্ডাৰ' প্ৰদান - Paris Olympics 2024
