স্প’ৰ্টছ ডেস্ক, 23 ছেপ্টেম্বৰ: প্ৰধানমন্ত্ৰী নৰেন্দ্ৰ মোদীয়ে শেহতীয়াকৈ নিউয়ৰ্কত প্ৰবাসী ভাৰতীয়সকলক সম্বোধন কৰি এক বৃহৎ ঘোষণা কৰে ৷ নিউয়ৰ্কত অনুষ্ঠিত "মোদী আৰু আমেৰিকা যুক্তৰাষ্ট্ৰ" শীৰ্ষক অনুষ্ঠানত ভাষণ প্ৰদান কৰি ভাৰতৰ প্ৰধানমন্ত্ৰীগৰাকীয়ে 2036 চনৰ অলিম্পিক আয়োজনৰ বাবে দেশখনে যথাসাধ্যে প্ৰচেষ্টা অব্যাহত ৰখা বুলি সদৰী কৰে ৷
লং আইলেণ্ডৰ নাচাউ ক'লিজিয়ামত অনুষ্ঠিত হৈছিল উক্ত অনুষ্ঠান ৷ প্ৰধানমন্ত্ৰীগৰাকীয়ে উন্নয়নৰ ক্ষেত্ৰত ভাৰতত সম্প্ৰতি গণ আন্দোলন গঢ়ি উঠা বুলিও ব্যক্ত কৰে ৷
যথাসম্ভৱ প্ৰচেষ্টা অব্যাহত ৰাখিছে ভাৰতে
প্ৰধানমন্ত্ৰী মোদীয়ে নিজৰ ভাষণত কয় "ভাৰত আজি সুযোগৰ দেশ । ভাৰতে সুযোগৰ বাবে অপেক্ষা নকৰে... ই সুযোগ সৃষ্টি কৰে" ৷ তেওঁ লগতে কয় যে, "বিগত 10 বছৰত এটা প্ৰজন্মত 25 কোটি লোক দৰিদ্ৰতাৰ পৰা মুক্ত হৈছে ৷ অলিম্পিক আয়োজনৰ আকাংক্ষা এই দূৰদৰ্শী নীতিৰ অংশ, য’ত দেশখনে ৰৈ নাথাকিব" ৷
Long Island, New York: Addressing the Indian diaspora at Nassau Coliseum, PM Modi says, " few days ago, the paris olympics concluded, and the next host for the olympics is the usa. soon, you will witness the olympics in india as we are making every effort to host the 2036… pic.twitter.com/fGVM0aAfQJ
— IANS (@ians_india) September 22, 2024
প্ৰধানমন্ত্ৰী মোদীয়ে এক বাৰেৰহণীয়া সাংস্কৃতিক অনুষ্ঠানৰ পিছত প্ৰবাসী ভাৰতীয়সকলক উদ্দেশ্যি কয়, "মাত্ৰ কেইদিনমানৰ পূৰ্বে পেৰিছ অলিম্পিক সমাপ্ত হৈছিল । অতি সোনকালেই আপোনালোকে ভাৰততো অলিম্পিক উপভোগ কৰিবলৈ পাব । আমি 2036 চনৰ অলিম্পিক আয়োজনৰ বাবে সকলো প্ৰচেষ্টা অব্যাহত ৰাখিছো" ৷
পূৰ্বেও ব্যক্ত কৰিছিল অলিম্পিক আয়োজনৰ ইচ্ছা
প্ৰধানমন্ত্ৰী মোদীয়ে ভাৰতত অলিম্পিক আয়োজন কৰাৰ ইচ্ছা পূৰ্বেও প্ৰকাশ কৰিছিল । 78 সংখ্যক স্বাধীনতা দিৱসত লালকিল্লাৰ প্ৰাচীৰৰ পৰা দেশবাসীক উদ্দেশ্যি সম্বোধন কৰি তেওঁ কৈছিল, "2036 চনৰ অলিম্পিক আয়োজন কৰাটো ভাৰতৰ সপোন ৷ আমি ইয়াৰ বাবে প্ৰস্তুতি চলাই আছো" ৷
#WATCH | PM Narendra Modi says, " today, we also have with us the youth who made the indian flag fly high in #Olympics. On behalf of 140 crore countrymen, I congratulate all our athletes and players...In the next few days, a huge contingent of India will leave for Paris to… pic.twitter.com/g9jcsip1Fk
— ANI (@ANI) August 15, 2024
প্ৰধানমন্ত্ৰীয়ে স্বাধীনতা দিৱসৰ ভাষণৰ সময়তে কয়, "ভাৰতে বৃহৎ পৰিমাণে #NAME সন্মিলন আয়োজন কৰাটোৱে প্ৰমাণ কৰে যে, ভাৰতত বৃহৎ পৰিমাণে অনুষ্ঠান আয়োজন কৰাৰ সম্ভাৱনা আছে" ৷
ভাৰতীয় খেলুৱৈসকলৰ পৰা বিচাৰিছিল পৰামৰ্শ
ইয়াৰ পূৰ্বে জুলাই মাহত প্ৰধানমন্ত্ৰী মোদীয়ে খেলুৱৈসকলক ফ্ৰান্সৰ ৰাজধানী পেৰিছত ভাৰত চৰকাৰৰ এই উচ্চকাংক্ষা ব্যক্ত কৰি খেলুৱৈসকলক তেওঁলোকৰ মতামত ব্যক্ত কৰিবলৈ কৈছিল ।
"আমি 2036 চনত অলিম্পিক আয়োজন কৰাৰ আশা কৰিছো ৷ ই দেশত ক্ৰীড়াৰ পৰিৱেশ সৃষ্টি কৰাত সহায় কৰিব । ইয়াৰ বাবে আন্তঃগাঁথনিৰ কাম চলি আছে," বুলি প্ৰধানমন্ত্ৰীয়ে কৈছিল ৷
আই অ’ চি-ৰ সভাপতি থমাছ বাকৰ সমৰ্থন লাভ
2036 চনৰ অলিম্পিকৰ বাবে ভাৰতৰ এই প্ৰস্তাৱটোৱে লাভ কৰিছে আই অ’ চি-ৰ সভাপতি থমাছ বাকৰ সমৰ্থন ৷ ভাৰতৰ দ্বাৰা আয়োজিত অন্তিমটো মুখ্য আন্তঃৰাষ্ট্ৰীয় মাল্টি-স্প’ৰ্ট ইভেণ্ট আছিল 2010 চনত দিল্লীত অনুষ্ঠিত হোৱা কমনৱেলথ গেমছ । বৰ্তমান আহমেদাবাদ অলিম্পিক গেমছৰ শক্তিশালী প্ৰতিদ্বন্দ্বী হিচাপে আত্মপ্ৰকাশ কৰিছে । পেৰিছ অলিম্পিকৰ সময়ত ভাৰতে পাঁচটা ব্ৰঞ্জ আৰু এটা ৰূপসহ ছয়টা পদক জয় কৰিছিল ।
লগতে পঢ়ক: কানপুৰৰ গ্ৰীণপাৰ্ক ষ্টেডিয়াম পৰিদৰ্শন বি চি চি আইৰ উপ-সভাপতি ৰাজীৱ শুক্লাৰ - IND VS BAN 2ND TEST
