স্প’ৰ্টছ ডেস্ক: আহমেদাবাদৰ সবৰমতী নদীৰ পাৰত নিৰ্মিত নৰেন্দ্ৰ মোদী ষ্টেডিয়াম হৈছে বিশ্বৰ সৰ্ববৃহৎ ক্ৰিকেট ষ্টেডিয়াম । 2020 চনত নিৰ্মিত এই ষ্টেডিয়ামখনত এক লাখ অনুৰাগীয়ে একেলগে বহি উপভোগ কৰিব পাৰে ক্ৰিকেট মেচ ৷ নৰেন্দ্ৰ মোদী ষ্টেডিয়ামত আছে সকলো অত্যাধুনিক সা-সুবিধা ।
কিন্তু খৰচৰ ক্ষেত্ৰত নৰেন্দ্ৰ মোদী ষ্টেডিয়ামতকৈ পাৰ্থৰ অপ্টাছ ষ্টেডিয়ামৰ মূল্য 10 গুণ বেছি । ভাৰত আৰু অষ্ট্ৰেলিয়াৰ মাজত ব’ৰ্ডাৰ-গাভাস্কাৰ ট্ৰফীৰ প্ৰথমখন টেষ্ট মেচ এই খেলপথাৰতে শুকুৰবাৰৰ পৰা আৰম্ভ হৈছে । এই ক্ৰিকেট ষ্টেডিয়ামখন হৈছে বিশ্বৰ সৰ্বাধিক দামী ক্ৰিকেট ষ্টেডিয়াম ।
An aerial view of Optus Stadium, showcasing its modern design, expansive seating, and stunning location along the Swan River in Perth, Western Australia.pic.twitter.com/u3ezn42Xq1 https://t.co/atj0MUkFXW
— walter white 🌿 (@WorldCup_2k26) November 20, 2024
বিশ্বৰ সৰ্বাধিক দামী ক্ৰিকেট ষ্টেডিয়াম
পাৰ্থৰ অপ্টাছ ষ্টেডিয়ামখন হৈছে অষ্ট্ৰেলিয়াৰ অন্যতম সুন্দৰ ষ্টেডিয়াম ৷ এই ষ্টেডিয়ামখন দেশৰ সৰ্ববৃহৎ আৰু নৱনিৰ্মিত ষ্টেডিয়াম । 2014 চনৰ পৰা আৰম্ভ হোৱা এই ষ্টেডিয়ামখন নিৰ্মাণ কৰিবলৈ সময় লাগিছিল প্ৰায় 3 বছৰ । 2017 চনৰ শেষৰফালে নিৰ্মাণ সম্পূৰ্ণ হোৱা এই ষ্টেডিয়ামখন 2018 চনৰ 21 জানুৱাৰীত আনুষ্ঠানিকভাৱে মুকলি কৰা হয় । ইয়াৰ উপৰিও ই হৈছে অষ্ট্ৰেলিয়াৰ তৃতীয় বৃহত্তম ক্ৰিকেট ষ্টেডিয়াম, য’ত একে সময়তে 60 হাজাৰ দৰ্শকে উপভোগ কৰিব পাৰে খেল ৷ ষ্টেডিয়ামখনৰ পৰিসীমা দীঘলে 165 মিটাৰ আৰু বহলে 130 মিটাৰ ।
The highest part of the 61,000+ capacity Perth Stadium. I quite expected to hate it but it offer amazing views, huge concourses behind the seats where you can still watch and eat/drink. No parking but free public transport to and from the stadium for ticketholders pic.twitter.com/hwaOgExlIp
— Historic Cricket Pictures (@PictureSporting) September 22, 2024
ষ্টেডিয়ামখনৰ ব্যয়
সংবাদ মাধ্যমৰ খবৰ অনুসৰি, পাৰ্থৰ অপ্টাছ ষ্টেডিয়ামখন নিৰ্মাণৰ বাবে প্ৰায় 1.6 বিলিয়ন অষ্ট্ৰেলিয়ান ডলাৰ খৰচ হৈছিল ৷ যিটো সেই সময়ত ভাৰতীয় টকাৰ হিচাপত আছিল প্ৰায় 8 হাজাৰ কোটি টকা ৷ পাৰ্থ ষ্টেডিয়াম মূলতঃ ফুটবল আৰু ক্ৰিকেটৰ বাবে ব্যৱহাৰ কৰা হয় । ইয়াত প্ৰায়ে ফুটবল, ৰাগবী আৰু এথলেটিকছ খেল অনুষ্ঠিত হয় । পাৰ্থৰ অষ্ট্ৰেলিয়ান ফুটবল লীগৰ দুটা দলে ইয়াত নিয়মীয়াকৈ নিজৰ মেচ খেলে । একে সময়তে বিগ বেছ লীগৰ দল পাৰ্থ স্কোৰ্চাৰ্ছেও একেটা স্থানতে ঘৰুৱা খেলত অংশগ্ৰহণ কৰে ৷
Optus (Perth Stadium) (officialy opened in 2018) and W.A.C.A,
— House_of_Cricket (@Houseof_Cricket) November 19, 2024
Initially, Former Premier of Western Australia Colin Barnett, had suggested to name the Perth Stadium as, Swan Stadium...
Later, the naming rights went to Telecom giant Optus, and the stadium was later named Optus… https://t.co/WssQqNkNOy
নৰেন্দ্ৰ মোদী ষ্টেডিয়াম নিৰ্মাণত ব্যয়ৰ পৰিমাণ
ভাৰতৰ নৰেন্দ্ৰ মোদী ষ্টেডিয়াম 63 একৰ মাটিত বিস্তৃত । এই ষ্টেডিয়ামত প্ৰায় 1 লাখ 14 হাজাৰ দৰ্শকৰ বাবে আসনৰ সুবিধা আছে ৷ খেলপথাৰখনত 11 খন ভিন্ন ক্ৰিকেট খেলপথাৰো আছে । সকলোতকৈ বিশেষ কথাটো এয়ে যে, এই ষ্টেডিয়ামত বহি অনুৰাগীয়ে প্ৰতিটো কোণৰ পৰাই উপভোগ কৰিব পাৰে ক্ৰিকেট খেল ৷ ষ্টেডিয়ামখনৰ প্ৰতিটো ষ্টেণ্ডৰ মাজত এটাকৈ খুঁটা আছে, যাৰ বাবে ই বাকী খেলপথাৰৰ পৰা আঁতৰত থাকে ।
সংবাদ মাধ্যমৰ খবৰ অনুসৰি, এই ষ্টেডিয়ামখন নিৰ্মাণ কৰিবলৈ প্ৰায় 5 বছৰ সময় লাগিছিল আৰু ইয়াৰ বাবে ব্যয় হৈছে 800 কোটি টকা । ষ্টেডিয়ামটোত প্ৰথমখন মেচ 2021 চনৰ 24 ফেব্ৰুৱাৰীত ভাৰত আৰু ইংলেণ্ড(দিবা-নৈশ টেষ্ট মেচ) ৰ মাজত অনুষ্ঠিত হৈছিল ৷
লগতে পঢ়ক: বেটিং বিপৰ্যয় স্বত্বেও পাৰ্থ টেষ্টত অষ্ট্ৰেলিয়াৰ বিৰুদ্ধে 83 ৰাণত অগ্ৰগতি ভাৰতৰ
