স্পৰ্টছ ডেস্ক, ৭ আগষ্ট : পেৰিছ অলিম্পিক, ২০২৪ৰ একাদশ দিনটোত ভাৰতে উজ্জীৱিত প্ৰদৰ্শন কৰে । মঙলবাৰে ভাৰতৰ 'স্বৰ্ণ পুত্ৰ' নীৰজ চোপ্ৰাই জেভেলিন থ্ৰ' ইভেণ্টৰ ফাইনেলত প্ৰৱেশ কৰে । অৱশ্যে কিশোৰ কুমাৰ জৈনা জেভলিন থ্ৰ' ইভেণ্টৰ ফাইনেলৰ পৰা বাহিৰ ওলাবলগা হয় । আনহাতে, বিনেশ ফোগাটে মহিলাৰ 50 কিলোগ্ৰাম শাখাৰ ছেমি ফাইনেলত প্ৰৱেশ কৰিছে । এতিয়া দ্বাদশদিনা ভাৰতৰ সকলোৰে দৃষ্টি ভাৰোত্তোলক মীৰাবাঈ চানু আৰু মহিলা টেবুল টেনিছ দলৰ ওপৰত থাকিব । ভাৰতৰ দ্বাদশ দিনৰ সমগ্ৰ সময়সূচীৰ বিষয়ে ইয়াত উল্লেখ কৰা হৈছে ।
৭ আগষ্টত ভাৰতীয় খেলুৱৈসকলৰ কি কি খেল অনুষ্ঠিত হ'ব
গল্ফ : ভাৰতে পেৰিছ অলিম্পিকত গ'ল্ফৰ জৰিয়তে দ্বাদশ দিনটো আৰম্ভ কৰিব । গ'ল্ফত অদিতি অশোক আৰু দীক্ষা ডাগৰে মহিলাৰ ব্যক্তিগত ষ্ট্ৰোক প্লে ৰাউণ্ড-1 ইভেণ্টত অংশগ্ৰহণ কৰিব । ভাৰতে এই দুগৰাকী মহিলা গ'ল্ফাৰৰ পৰা উন্নত প্ৰদৰ্শন আশা কৰিব ।
মহিলা একক গ'ল্ফৰ ৰাউণ্ড-1 (অদিতি অশোক আৰু দীক্ষা ডাগৰ) - ভাৰতীয় সময়মতে দুপৰীয়া 12.30 বজাত
টেবুল টেনিছ : মহিলা টেবুল টেনিছৰ দলীয় প্ৰতিযোগিতাত ভাৰতীয় দলটোৱে কোৱাৰ্টাৰ ফাইনেলত অৱতীৰ্ণ হ'ব । ভাৰতীয় দলত অৰ্চনা কামাথ, মণিকা বাত্ৰা আৰু শ্ৰীজা আকুলাই তেওঁলোকৰ সৰ্বশ্ৰেষ্ঠ প্ৰদৰ্শন কৰিব বুলি আশা কৰিব পাৰি । ৰাউণ্ড অব ১৬-ত ভাৰত দলে ৰোমানিয়াক পৰাস্ত কৰিছিল ।
মহিলা টেনিছৰ দলীয় কোৱাৰ্টাৰ ফাইনেল (অৰ্চনা কামাথ, মণিকা বাত্ৰা আৰু শ্ৰীজা আকুলা) - ভাৰতীয় সময় মতে দুপৰীয়া 1.30 বজাত
এথলেটিকছ : সূৰয পাৱাৰ আৰু প্ৰিয়ংকা গোস্বামীয়ে অলিম্পিকৰ দ্বাদশদিনা মাৰাথন দৌৰ ৱাক ৰিলে মিক্সড ইভেণ্টত অংশগ্ৰহণ কৰিব । ইয়াৰ উপৰি ভাৰতৰ জ্যোতি য়াৰাজীক মহিলাৰ 100 মিটাৰ হৰ্ডলছ ৰাউণ্ড 1-ত অংশগ্ৰহণ কৰা দেখা যাব । তেওঁ হিট 4-ত অংশগ্ৰহণ কৰিব । প্ৰবীণ চিথাভেল আৰু আব্দুল্লাহ নাৰাঙ্গোলিণ্টাভিদাই পুৰুষৰ ট্ৰিপল জাম্প অৰ্হতা অৰ্জনৰ বাবে প্ৰতিদ্বন্দ্বিতা কৰিব ।
ইয়াৰ বাহিৰেও সৰ্বেশ অনিল কুশৰেক প্ৰতিদ্বন্দ্বিতাত অংশগ্ৰহণ কৰা দেখা যাব । তেওঁক পুৰুষৰ হাই জাম্প অৰ্হতা অৰ্জন প্ৰতিযোগিতাত অংশগ্ৰহণ কৰিব । অবিনাশ মুকুন্দ চাবলেয়ে পুৰুষৰ ৩০০০ মিটাৰ ষ্টিপলচেজ ইভেণ্টৰ ফাইনেলত প্ৰতিদ্বন্দ্বিতা আগবঢ়াব । ভাৰতে তেওঁলোকৰ পৰা এটা পদক আশা কৰিব ।
মাৰাথন দৌৰ ৱাক ৰিলে মিক্সড ইভেণ্ট (সূৰয পাৱাৰ আৰু প্ৰিয়ংকা গোস্বামী) - ভাৰতীয় সময় মতে পুৱা 11 বজাত
মহিলাৰ 100 মিটাৰ হৰ্ডলছ ৰাউণ্ড 1 (জ্যোতি য়াৰাজী) - ভাৰতীয় সময়মতে দুপৰীয়া 1.45 বজাত
পুৰুষৰ ট্ৰিপল জাম্প অৰ্হতা (প্ৰবীণ চিথাভেল আৰু আব্দুল্লাহ নাৰাঙ্গোলিণ্টাভিদা) - ভাৰতীয় সময়মতে নিশা 10.45 বজাত
পুৰুষৰ হাই জাম্প অৰ্হতা (সৰ্বেশ অনিল কুশৰে) - ভাৰতীয় সময়মতে দুপৰীয়া 1.35 বজাত
পুৰুষৰ 3000 মিটাৰ ষ্টিপলচেজ ফাইনেল - ভাৰতীয় সময় মতে নিশা 1.10 বজা
কুস্তি : ভাৰতৰ হৈ মল্লযুঁজত মহিলাৰ ৫৩ কিলোগ্ৰাম শাখাৰ প্ৰি-কোৱাৰ্টাৰ ফাইনেলত অন্তিম পাংঘালে তুৰ্কীৰ জেনেপ ইয়েটগিলৰ বিৰুদ্ধে খেলিব । এই মেচবোৰ প্ৰি-কোৱাৰ্টাৰ ফাইনেলৰ পৰা ছেমি ফাইনেললৈ চলিব ।
মহিলাৰ ফ্ৰীষ্টাইল 53 কিলোগ্ৰাম প্ৰি-কোৱাৰ্টাৰ ফাইনেল (অন্তিম পাংঘাল) - ভাৰতীয় সময়মতে দুপৰীয়া 2.30 বজাত
ভাৰোত্তোলন : টকিঅ' অলিম্পিকৰ ৰূপৰ পদক বিজয়ী মীৰাবাঈ চানুৱে ভাৰতৰ হৈ দ্বাদশদিনা ভাৰোত্তোলনত অংশগ্ৰহণ কৰিব । ভাৰতে চানুৰ পৰা পুনৰ দেশৰ হৈ এটা পদক আশা কৰিব । মীৰাবাঈ চানুৱে মহিলাৰ ৪৯ কিলোগ্ৰাম শাখাত অংশগ্ৰহণ কৰিব । এই মেচখন এখন পদকৰ মেচ হ'বলৈ গৈ আছে । তেওঁৰ শেহতীয়া প্ৰদৰ্শন যথেষ্ট দৰ্শনীয় আছিল ।
মহিলাৰ 49 কিলোগ্ৰাম ভাৰোত্তলন (মীৰাবাঈ চানু) - ভাৰতীয় সময় মতে নিশা 11 বজাত
